روڈ چیکنگ مہم 19 فروری سے 7 مارچ تک جاری رہے گی
مہم کا مقصد ٹیکس نادہندہ گان گاڑیوں سے ٹیکس کی
وصولی ہے، اورنگ زیب پنھور ڈائریکٹر جنرل
محکمہ ایکسائز اینڈ ٹیکسیشن و انسداد منشیات سندھ
رپورٹ: روبینہ یاسمین
کراچی: محکمہ ایکسائز اینڈ ٹیکسیشن و انسداد منشیات سندھ نے ٹیکس نادہندہ گان گاڑیوں کے مالکان سے
ٹیکس وصولی کی روڈ چیکنگ مہم شروع کردی ہے۔ یہ روڈ چیکنگ مہم 7 مارچ تک جاری رہے گی۔
ڈائریکٹر جنرل محکمہ ایکسائز اینڈ ٹیکسیشن سندھ اورنگ زیب پنھور نے بتایا کہ مہم کا مقصد ٹیکس نادہندہ گان
گاڑیوں سے ٹیکس کی وصولی ہے۔ کراچی میں روڈ چیکنگ مہم کے لئے 8 ٹیمیں تشکیل دے دی گئی ہیں۔
کراچی میں 37 مختلف مقامات پر چیکنگ ہوگی۔ ان مقامات میں کورنگی انڈسٹریل ایریا، بروک
چورنگی، سنگر چورنگی، ڈی ایچ اے قبرستان، سن سیٹ بولیوارڈ روڈ، طوبی مسجد، سائٹ ، منگھو پیر
روڈ، بنارس چورنگی، حب ریور روڈ، مزار قائد، شاہراہِ قائدین، مسلم آباد، گلستان اسکول، کھارا در
کیماڑی، کوئینز روڈ، کلفٹن باتھ آئی لینڈ، شاہین کمپلیکس،پی آئی ڈی سی، مائی کولاچی بائی پاس، ملیر
کنٹونمنٹ، لانڈھی انڈسٹریل ایریا، سعود آباد، کھوکھراپار، پی آئی بی کالونی، تین ہٹی، سولجر بازار،
لسبیلہ ،جوہر چورنگی، میٹرو کیش اینڈ کیری، ٹائم اسکوائر، پہلوان گوٹھ، ایف بی ایریا، ناظم آباد، نارتھ
ناظم آباد اور نارتھ کراچی شامل ہیں۔ ڈائریکٹرجنرل ایکسائز اینڈ ٹیکسیشن اورنگ زیب پنھور نے مزید بتایا
کہ ٹیکس نادہندہ گاڑیوں کے مالکان کسی بھی ناخوشگوار صورتحال سےبچنے کے لئے اپنے ٹیکسز فوری جمغ
کروائیں۔
