اسکاٹ اربوم نے چارج سنبھالتے ہی مستقبل میں مضبوط
پاک امریکہ سفارتی تعلقات کو مزید تقویت دینے کے اقدامات
پر کام شروع کردیا۔
ڈیجیٹل یب نیوز رپورٹ: عابد حسین
کراچی: اسکاٹ اربوم نے باضابطہ طور پرامریکی قونصل خانہ کراچی میں قونصل جنرل کے عہدے کا چارج سنبھال لیا ہے۔ اسکاٹ اربوم کے پاکستان کے شہر کراچی میں تعیناتی سے امید کی جارہی ہے کہ امریکہ اور پاکستان کے درمیان جاری سفارتی تعلقات کو مزید تقویت ملے گی۔
واضغ رہے کہ اسکاٹ اربوم وسیع تر تجربہ کے ساتھ پاکستان میں کراچی قونصل خانے میں نئی ذمہ داری سرانجام دینے آئے ہیں۔ انہوں نے حال ہی میں امریکی محکمہ خارجہ کے بیورو آف ساؤتھ اینڈ سینٹرل ایشین افیئرز میں بطور آفیس ڈائریکٹرخدمات انجام دی ہیں، جو کہ خطے میں مختلف ممالک کے ساتھ امریکا کے باہمی تعلقات سے متعلق امور کی نگرانی کرتا ہے۔
اس سے قبل اسکاٹ اربوم نے دفتر برائے کورین امور میں ڈپٹی ڈائریکٹراورتائیوان میں امریکی انسٹی ٹیوٹ میں ڈپٹی پولیٹیکل چیف کی ذمہ داریاں ادا کیں ہیں جبکہ دفتر برائے کورین امور میں ڈی پی آر کے یونٹ چیف بھی رہ چکے ہیں۔ علاوہ ازیں وہ چین کے بیجنگ، بارباڈوس کے برج ٹاؤن اور یوکرائین کے کیف میں بھی غیرملکی عہدہ دار کے طور پرخدمات انجام دے چکے ہیں۔
: یہ بھی پڑھیں
یو اے ای اور پاکستان: معاشی ترقی کیسے ممکن ہے
مراکش اور پاکستان کے درمیان232ملین ڈالرز کی تجارت پر غور
اسکاٹ اربوم کون ہیں؟
اسکاٹ اربوم نے فارین سروس میں قدم رکھنے سے قبل قازقستان میں بطور امن رضاکار انگریزی کی تعلیم دیتے ہوئے بین الاقوامی تعلیم میں خدمات انجام دیں۔ انہوں نے جارج ٹاؤن کے اسکول آف فارین سروس میں تعلیم مکمل کرنے کے بعد ہاورڈ یونیورسٹی اور نیشنل وار کالیج سے ماسٹرس کی ڈگریاں حاصل کیں۔ ان کی اہلیہ سونیا اس وقت پیشے سے استاد اور سابقہ امریکی سفارتکار ہیں، جبکہ ان کی دو بیٹیاں کالیج میں زیر تعلیم ہیں۔
اسکاٹ اربوم نے اپنے قونصل جنرل کے عہدے کا آغاز امریکہ اور پاکستان کے سفارتی تعلقات کی 77ویں سالگرہ کے موقع پر کیا۔ جس کا مقصد امریکہ اور پاکستان کے درمیان مضبوط دو طرفہ تعلقات کو مزید مستحکم بنانا ہے۔ انہوں نے اقتصادی سرمایہ کاری میں اضافے، تجارتی تعاون اورفریم ورک برائے سبز اتحاد کی اہمیت پر زور دیا۔
ان کا کہنا ہے کہ یہ اسٹریٹجک شراکت داری دونوں ممالک کے لیے باہمی فوائد فراہم کرنے اور امریکہ اور پاکستان کے شہریوں کے درمیان عوامی سطح پر تعلقات کو فروغ دینے کے لیے بنائی گئی ہے۔
