گزشتہ سال کوسٹ گارڈز نے 23 کروڑ 60 لاکھ ڈالر مالیت کی
منشیات ضبط کیں جبکہ مختلف مد میں سرکاری خزانے میں 1
ارب 15 کروڑ 60 لاکھ روپے جمع کروائے
ویب نیوز رپورٹ: روبینہ یاسمین
کراچی: پاکستان کوسٹ گارڈز ٹریننگ سینٹر میں ریکروٹس بیچ 44 کی پاسنگ آؤٹ پریڈ منعقد ہوئی، پریڈ کے
مہمانِ خصوصی ڈائریکٹر جنرل پاکستان کوسٹ گارڈز بریگیڈیئر غلام عباس تھے جبکہ مسلح افواج اور پولیس کے اعلیٰ افسران نے بھی تقریب میں شرکت کی۔
ڈی جی پی سی جی بریگیڈیئرغلام عباس نے دوران ٹریننگ نمایاں کارکردگی دکھانے والے ریکروٹس میں انعامات تقسیم کرکے ان کی حوصلہ افزائی کی۔
پہلی پوزیشن حاصل کرنے والے ریکروٹ بابرعلی کو ڈائریکٹر جنرل پی سی جی’ کی اعزازی ٹرافی سے نوازا گیا۔ دوسری اورتیسری پوزیشنزحاصل کرنے والے ریکروٹس اسحاق خان اور محمد ندیم کو میڈلز دیے گئے۔
مہمانِ خصوصی بریگیڈیئر غلام عباس نے تقریب سے خطاب کرتے ہوئے کہا کہ پاکستان کوسٹ گارڈز کا شمار ملک کی ایک اہم اور باوقار فورس کے طور پر کیا جاتا ہے جو بیک وقت سمندراورزمین پر تعینات ہونے کے ساتھ ساتھ ملک کے دو صوبوں سندھ اوربلوچستان میں اپنے فرائض سرانجام دے رہی ہے۔
کوئٹہ تا جدّہ براہ راستکوئٹہ تا جدّہ براہ راست PIA
پاک بحریہ کے جہاز یرموک کا بحرین کی بندرگاہ میناء سلمان کا دورہ
ان کا کہنا تھا کہ گزشتہ ایک سال کے دوران کوسٹ گارڈز نے 23 کروڑ 60 لاکھ ڈالر مالیت کی منشیات ضبط کیں جبکہ مختلف مد میں سرکاری خزانے میں 1 ارب 15 کروڑ 60 لاکھ روپے جمع کروائے۔
خطاب کے بعد پاس آؤٹ ہونے والے ریکروٹس نے مارچ پاسٹ کرتے ہوئے مہمانِ خصوصی کو سلامی پیش کی۔
