نمیبیا میں شدید خشک سالی کے بعد 83 ہاتھیوں سمیت 723
جنگلی جانوروں کو ذبح کرکے ان کا گوشت ضرورت مندوں
میں تقسیم کرنے کاپلان تیار کر لیا گیا ہے۔
ڈیجیٹل ویب نیوز رپورٹ: روبینہ یاسمین
نمیبیا: افریقی ملک میں2024 کی شدید خشک سالی کے بعد 83 ہاتھیوں سمیت 723 جنگلی جانوروں کو ذبح ان کرکے ان کا گوشت ضرورت مندوں میں تقسیم کرنے کا ارادہ رکھتا ہے۔ان خیالات کا اظہارافریقی ملک نمیبیا میں وزارت ماحولیات نے گزشتہ روز میڈیا کو جاری ایک بیان میں کیا۔
وزارت ماحولیات نے پریس بریفنگ میں کہا کہ ذبح کی کارروائیاں پارکوں اورعوامی علاقوں میں کی جائیںگی ۔افریقی حکام کا خیال ہے کہ جانوروں کی حالیہ تعداد، دستیاب چراگاہوں اور پانی کی فراہمی سے بہت زیادہ ہے۔
اقوام متحدہ کے مطابق، اس وقت جنوبی افریقہ دہائیوں کی بدترین خشک سالی کا سامنا کررہا ہے۔ واضح رہے کہ صورتحال اتنی تشویشناک ہے کہ نمیبیا نے جولائی2024 میں اپنے 84 فیصد غذائی ذخائر کو ختم کردیا ہے۔
یہ بھی توقع کی جارہی ہے کہ افریقی ملک نمیبیا کی تقریباً نصف آبادی کو آنے والے مہینوں میں خوراک کی عدم تحفظ کا سامنا کرنا پڑے گا۔
وزارت ماحولیات نے مزید کہا کہ ’’اس کے مطابق مخصوص علاقوں سے 83 ہاتھی جو خشک سالی کے باعث تنازعات کا شکار ہیں ذبح کیے جائیں گے اوران کا گوشت خشک سالی سے متعلق امدادی پروگرامز کے لیے مختص کیا جائے گا‘‘۔
انہوں نے مزید کہا کہ اگر اس سلسلے میں حکام مداخلت نہیں کرتے ہیں تو اس شدید خشک سالی کی روشنی میں انسانوں اور جنگلی حیات کے درمیان تنازعات بڑھنے کی توقع ہے۔
نمیبیا میں ہاتھیوں کے علاوہ 30 کولہے، 60 بھینسیں، 50 امپالا، 100 بلیو وائلڈ بیسٹ، 300 زیبرا اور 100 ایلنڈ کو بھی ذبح کرنے کا پلان کیا جارہا ہے۔
یاد رہے کہ گزشتہ سال2023میں بوٹسوانا اور زمبابوے میں خشک سالی کے باعث سینکڑوں ہاتھی ہلاک ہو گئے تھے۔
پیشہ ور شکاری اور حکومت سے معاہدہ کرنے والی کمپنیاں قبل از وقت ہی 157 جانوروں کا شکار کر چکی ہیں جس سے 56,800 کلو گرام سے زیادہ گوشت حاصل کرکے اسے تقسیم کے لئے تیار کیا گیا ہے۔
: یہ بھی پڑھیں
پہلا بین الاقوامی کھجور فیسٹیول معاہدہ
وزارت ماحولیات نے کہا کہ ’’ذبیحہ کی کارروائی اس وقت بہت ضروری ہے‘‘۔ انہوں نے کہا کہ ہمارے آئین میں ہمارے قدرتی وسائل کو نمیبیا کے شہریوں کے فائدے کے لیے استعمال کرنے کے مینڈیٹ کے مطابق ہے۔
براعظم افریقہ کے جنوب میں پانچ ممالک کے درمیان پھیلے ہوئے ریزرو میں رہنے والے ہاتھیوں کی کل تعداد دو لاکھ سے زائد بتائی جاتی ہے۔ ان میں سے زیادہ تر ہاتھی زمبابوے، زامبیا، بوٹسوانا، انگولا اور نمیبیا میں پائے جاتے۔ یہی وجہ ہے کہ اس خطے کو دنیا میں ہاتھیوں کی سب سے بڑی آبادی کا گھر سمجھا جاتا ہے۔
