وائرس نیپا کے نتیجے میں اموات کی شرح بہت زیادہ ہے جب کہ فی الوقت بھارت کے پاس اس وائرس نے نمٹنے کی کوئی دوا یا ویکسین موجود نہیں ہے
(ویب ڈیسک)
بھارت کی جنوبی ریاست کیرالہ میں نیپا وائرس سے دوہلاکتوں کی تصدیق ہوئی ہے۔وائرس سے ہلاک ہونے والے دونوں شہریوں کے ٹیسٹ مثبت آئے تھے جس میں نیپا وائرس کی تشخیص ہوئی تھی۔ وائرس سے متاثرہ ایک شخص رواں ماہ کے شروع میں ہلاک ہوا جب کہ دوسری ہلاکت 30 اگست کو ہوئی۔
کیرالہ کے وزیر صحت کا کہنا ہے کہ وائرس سے مرنے والے دونوں افراد سے رابطے میں رہنے والے 168 افراد کے بھی لیبارٹری ٹیسٹ کیے جارہے ہیں تاکہ وائرس کو مزید پھیلنے سے روکنے کے فوری اقدامات کئے جائیں۔
میڈیا رپورٹس کے مطابق 2018 سے اب تک ریاست کیرالہ میں اس وائرس سے 4 اموات ہوچکی ہیں۔
عالمی ادارہ صحت کی رپورٹ کے مطابق نیپا وائرس جانوروں سے لگنے والا ایک وائرس ہے جب کہ وائرس مضر کھانوں اور متاثرہ شخص سے بھی لگتا سکتا ہے، یہ وائرس دماغ کو شدید نقصان پہنچاتا ہے۔ بظاہر متاثرہ شخص میں وائرس کوئی علامات ظاہر نہیں ہوتیں تاہم کبھی کبھار متاثرہ شخص کو سانس لینے میں دشواری کا سامنا ہوسکتا ہے
وائرس نیپا کے نتیجے میں اموات کی شرح بہت زیادہ ہے جب کہ فی الوقت بھارت کے پاس اس وائرس نے نمٹنے کی کوئی دوا یا ویکسین موجود نہیں ہے۔
بھارتی وفاقی حکومت نے اس صورتحال پر قابو پانے کے لیے ماہرین کی ایک ٹیم ریاست کیرالہ روانہ کردی ہے۔
بھارتی وفاقی حکومت کا کہنا ہے کہ اب تک نیپا وائرس کے بارے میں یہی ابتدائی معلومات ہیں تاہم امید ہے کہ ہمارے قابل ڈاکٹرز ریسر چ مکمل کرنے کے بعد نیپا وائرس کی ویکسین تیار کر لیں گے۔
