جامعات کھیل، ثقافت، مباحثے اور ادبی سرگرمیوں کے شیڈول مرتب کریں
بہترین سجاوٹ والی جامعہ، ادرے، دکان یا فرد کو انعام دیا جائےگا، مراد علی شاہ
ویب نیوز رپورٹ: روبینہ یاسمین
کراچی: وزیراعلیٰ سندھ سید مراد علی شاہ کی زیر صدارت وزیراعلیٰ ہاؤس کراچی میں ایک اہم اجلاس منعقد ہوا ہے جس میں صوبہ سندھ کی 64 جامعات کے وائس چانسلرز نے شرکت کی ۔ ان میں 30 سرکاری اور 34 نجی جامعات شامل تھیں ۔
اجلاس میں فیصلہ کیا گیا کہ یوم آزادی کو “مارکۂ حق” کے عنوان سے بھرپور طریقے سے منایا جائے گا جس کے لیے ایک جامع پروگرام ترتیب دیا جائے گا ۔ وزیراعلیٰ سندھ نے تعلیم، ثقافت، کھیل اور ادبی سرگرمیوں کے انعقاد پر زور دیا تاکہ نوجوانوں میں حب الوطنی کو فروغ دیا جا سکے ۔
اجلاس میں سندھ کے صوبائی وزرا شرجیل انعام میمن ، ناصر حسین شاہ ، سعید غنی ، محمد بخش مہر اور ذوالفقار شاہ کے علاوہ وزیراعلیٰ سندھ کے سیکریٹری محمد رحیم شیخ اور سندھ ہائر ایجوکیشن کمیشن کے چیئرمین پروفیسر طارق رفیع نے بھی شرکت کی ۔
وزیراعلی سندھ سید مراد علی شاہ نے کہا کہ پاکستان کی مسلح افواج نے اپنی بہادری سے قوم کو فخر کا موقع دیا ہے۔ ان کا کہنا تھا کہ قوم کی فتح اور آزادی کی خوشی کو مزید بڑھانے کے لیے حکومت نے ایک ہمہ جہتی منصوبہ تیار کیا ہے۔
مراد علی شاہ نے اعلان کیا کہ یوم آزادی کی تقریبات یکم اگست سے شروع کی جائیں گی ۔ تمام جامعات اپنی عمارات اور کلاس رومز کو قومی وقار کے مطابق سجائیں اور متعلقہ پروگرامز کا انعقاد کریں ۔
وزیراعلیٰ نے یہ بھی اعلان کیا کہ جو بھی جامعہ، ادارہ، دکان دار یا کسی اور شعبے سے وابستہ فرد بہترین سجاوٹ کرے گا، اسے انعام دیا جائے گا ۔ مراد علی شاہ نے اعلان کیا کہ یوم آزادی کی تقریبات یکم اگست سے شروع کی جائیں گی ۔
تمام جامعات اپنی عمارات اور کلاس رومز کو قومی وقار کے مطابق سجائیں اور متعلقہ پروگرامز کا انعقاد کریں۔ وزیراعلیٰ نے یہ بھی اعلان کیا کہ جو بھی جامعہ، ادارہ، دکان دار یا کسی اور شعبے سے وابستہ فرد بہترین سجاوٹ کرے گا، اسے انعام دیا جائے گا ۔
یہ بھی پڑھیں
سندھ میں نئے تدریسی دور کا آغاز
صوبہ سندھ میں کم عمری اور جبری شادی کا قانون
وزیراعلیٰ نے جامعات کو ہدایت دی کہ کھیل، ثقافت، مباحثے اور ادبی سرگرمیوں کے شیڈول مرتب کریں۔ ساتھ ہی انہوں نے سیکریٹری یونیورسٹیز اینڈ بورڈز عباس بلوچ اور چیئرمین ہائر ایجوکیشن کمیشن سندھ طارق رفیع کو ہدایت دی کہ وہ علیحدہ اور بین الجامعاتی پروگرامز کا انعقاد یقینی بنائیں ۔
اجلاس کے ایجنڈے میں جامعات کی تجاویز کو شامل کیا گیا جبکہ صوبے بھر میں شجرکاری مہم شروع کرنے پر بھی اتفاق کیا گیا تاکہ ماحولیاتی تحفظ کو فروغ دیا جا سکے ۔
سینئر وزیر شرجیل انعام میمن نے صوبے کے مختلف سرکاری و نجی اداروں میں مجوزہ پروگرامز پر بریفنگ دی ۔ اجلاس اس عزم کے ساتھ اختتام پذیر ہوا کہ یوم آزادی کو بھرپور جذبے اور وقار کے ساتھ منایا جائے گا ۔
