نگراں حکومت نے پیٹرول کی فی لیٹر قیمت میں 26 روپے سے زائد کا اضافہ کردیا۔
( ویب ڈیسک )
پاکستان اسلام آباد میں نگران حکومت کے ایک ماہ کے عرصے میں پٹرول 58روپے43پیسےاورہائی اسپیڈ ڈیزل 55روپے78 پیسے مہنگا ہوچکا ہے۔ وزارت خزانہ کی جانب سے جاری کردہ نوٹیفکیشن کے مطابق آئندہ پندرہ روز کیلیے پیٹرولیم مصنوعات کی قیمتوں میں اضافہ کیاگیا ہے۔ نوٹیفکیشن کا اطلاق ملک بھر میں ہفتے کی رات بارہ بجے سے 30 ستمبر تک ہوگا۔
نوٹی فکیشن کے مطابق پیٹرول کی فی لیٹر قیمت میں 26 روپے دو پیسے جبکہ ہائی اسپیڈ ڈیزل کی قیمت میں 17.34 روپے کا اضافہ کردیا گیا ہے۔
حالیہ اضافے کے بعد پیٹرول کی فی لیٹر قیمت 331 روپے 38 پیسے جبکہ ڈیزل کی فی لیٹر قیمت 329 روپے 18 پیسے میں دستیاب ہے۔
لائٹ ڈیزل اور مٹی کے تیل کی قیمتوں میں کوئی ردوبدل نہیں کی گئی۔
پیٹرول کی حالیہ قیمتوں میں 26 روپے اضافے سے پاکستانی عوام بلبلا اٹھے ہیں۔
