موبائل صارفین پبلک فون چارجنگ اسٹیشن استعمال نہ کریں بالخصوص دوران سفر

(کراچی (رپورٹ: روبینہ یاسمین

ایف سی سی بلاگ پوسٹ کے مطابق، کچھ معاملات میں مجرموں نے جان بوجھ کر چارجنگ اسٹیشنوں پر پلگ ان کیبلز کو چھوڑ دیا ہے۔

حتی کہ متاثرہ کیبلز کو پروموشنل تحائف کے طور پر دیئے جانے کی بھی اطلاعات موصول ہوئی ہیں۔

سی این این نیویارک : امریکی ایف بی آئی موبائل صارفین کو انتباہ کر رہی ہے کہ وہ عوامی فون چارجنگ اسٹیشن استعمال کرنے سے گریز کریں تاکہ ان کے آلات کو نقصان دہ سافٹ ویئر سے بچایا جا سکے۔

ایف بی آئی کی ڈینور برانچ کی جانب سے گزشتہ ہفتے کی گئی ایک ٹویٹ کے مطابق مالز اور ہوائی اڈوں پر پائے جانے والے عوامی یو ایس بی اسٹیشنز کو میلویئر اور مانیٹرنگ جیسے متاثرہ سافٹ ویئر کو صارفین کے موبائل میں وائرس پھیلانے کے لیے استعمال کیا جا رہا ہے

تاہم امریکی ایجنسی نے اس سلسلے میں کوئی خاص ثبوت کا حوالہ نہیں دیا۔

ایجنسی نے ٹویٹ میں مشورہ دیا کہ صارفین اپنا خود کا چارجر اور یو ایس بی ڈیوائس ساتھ رکھیں نیز الیکٹریکل آؤٹ لیٹ استعمال کریں۔

جب ڈیوائسز کی بیٹری انتہائی کم ہوتی ہے تب عوامی چارجنگ اسٹیشن بہت سے لوگوں کے لیے چارجنگ کی غرض سے بہت پرکشش ہوتے ہیں۔

سیکیورٹی ماہرین نے برسوں سے اس کے بارے میں خدشات کا اظہار کیا ہے۔ 2011 میں محققین نے مسئلہ کو بیان کرنے کے لیے “جوس جیکنگ” کی اصطلاح بھی بنائی۔ 2017 میں ڈریو پائیک پہلے سیکیور ٹی فرم آتھینٹیکیس 8 میں تھے نے سی این این کو بتایا تھا

کہ جب آپ اپنا فون کسی ایسی جگہ چارج پر لگادیں تو وہ پہلے سے موجود متاثرہ سافٹ وئیر کے زیر اثر آجا تا ہے اور صارفین کی ڈیوائس پہلے سے زیادہ متا ثر ہوتی ہے

اور اب صارف کا تمام ڈیٹا رسک پر ہوتا ہے۔

کیونکہ آپ اپنے فون کو چارج کرنے کے لیے جو ڈوری استعمال کرتے ہیں وہ آپ کے فون سے دیگر آلات کو ڈیٹا بھیجنے کے لیے بھی استعمال ہوتی ہے۔

مثال کے طور پر جب آپ اپنے آئی فون کو اپنے میک بک کے چارجنگ کورڈ سے لگاتے ہیں، تو آپ اپنے فون سے اپنے کمپیوٹر پر تصاویر ڈاؤن لوڈ کر سکتے ہیں۔

پیک نے پہلے ہی سی این این کو آگاہ کیا تھا کہ اگر کسی متاثرہ پوٹ سے چارج کیا ہے تو اس کی کوئی حد نہیں ہے کہ ہیکرز صارف کی کسی بھی طرح کی معلومات با آسانی نکال سکتا ہے۔

اس میں صارف کا ای میل، ٹیکسٹ پیغامات، تصاویر، رابطے اور بہیت کچھ شامل ہو سکتا ہے۔

ایف بی آئی کی ڈینور برانچ میں پبلک افیئرز آفیسر وکی میگویا نے سی این این کو بتایا کہ ایف بی آئی باقاعدگی سے ہمارے شراکت داروں کے ساتھ مل کر یاد دہانیاں اور عوامی خدمت کے اعلانات فراہم کرتی رہتی ہے۔

یہ امریکی عوام کے لیے ایک عام یاد دہانی تھی کہ وہ محفوظ اور مستعد رہیں با لخصوص سفر کے دوران۔

فیڈرل کمیونیکیشن کمیشن نے منگل کو ایک بلاگ پوسٹ کو بھی اپ ڈیٹ کیا ہے جس میں انتباہ کیا گیا ہے کہ ایک متاثرہ چارجنگ پورٹ کسی میلیشیس ایکٹر کو ڈیوائس کو لاک کرنے یا ذاتی ڈیٹا اور پاس ورڈ نکالنے کی اجازت دے سکتا ہے۔