مسافروں کے لئے پاکستان کے دیگر شہروں سے جدّہ کے
لئے پی آئی اے پروازوں کے علاوہ عمرہ کے لیے کوئٹہ سے
براہ راست جدہ جانے کی سہولت میسر آگئی ہے۔
ویب نیوز رپورٹ: روبینہ یاسمین
کراچی: ترجمان پی آئی اے کے مطابق، پی آئی اے نے کوئٹہ سے جدّہ کے لیے دوطرفہ براہ راست پروازیں شروع کردیں ہیں۔
ترجمان پی آئی اے کا کہنا ہے کہ پی آئی اے کی کوئٹہ سے جدہ کی پہلی براہ راست پرواز پی کے 767 کوئٹہ ایئرپورٹ سے141 مسافروں کو لے کر منگل کی رات روانہ ہوئی۔ پی آئی اے کوئٹہ سے جدہ کے لئے ہفتہ وار دو پروازیں چلائے گی۔
کوئٹہ ایئرپورٹ پرجدّہ کے لئے پی آئی اے کی براہ راست پرواز کے آغازکے موقع پرایک سادہ مگرپروقارتقریب کا انعقاد کیا گیا۔
تقریب میں گورنر بلوچستان شیخ جعفر خان مندوخیل اوراراکین صوبائی اسمبلی بلوچستان، پی آئی اے کے جنرل منیجر پیسنجر سیلز محمد شفیق اورایئرلائن کے دیگراعلیٰ حکام نے مسافروں کا استقبال کیا۔
: یہ بھی پڑھیں
نواز شریف اور پنجاب کی وزارت اعلی کا حسین دور
کوئٹہ ایئرپورٹ پرافتتاحی تقریب میں کیک کاٹا گیا۔ مسافروں نے کوئٹہ تا جدّہ پروازیں شروع کرنے پر پی آئی اے انتظامیہ کی کاوشوں کو سراہا جس سے اب کوئٹہ تا جدّہ براہ راست پروازوں کا دیرینہ مطالبہ پورا ہوگیاہے۔
مسافروں کے پاس اب پاکستان کے دیگر شہروں سے جدّہ کے لئے پی آئی اے پروازوں کے علاوہ عمرہ زائرین کے لیے کوئٹہ سے براہ راست جدّہ جانے کی سہولت میسر آگئی ہے۔
