بھارتی جیلوں میں برسوں سے قید پاکستانی ماہی گیر، کراچی کے ابراہیم حیدری اور علی اکبر شاہ گوٹھ کے خاندانوں کا رہائی کا مطالبہ تیز
ویب نیوز رپورٹ : ماریہ اسمعیل
کراچی : بھارتی جیلوں میں قید پاکستانی ماہی گیروں کی تصاویر بالآخر ان کے اہلِ خانہ تک پہنچ گئی ہیں۔ جس کے نتیجے میں گھروں میں جذباتی مناظر دیکھنے میں آئے۔
ذرائع کے مطابق تصاویر میں شامل 11 ماہی گیروں کا تعلق کراچی کے علاقے ابراہیم حیدری سے ہے ۔ اسی طرح مزید 9 ماہی گیر بھی اسی علاقے کے علی اکبر شاہ گوٹھ کے رہائشی ہیں ۔ دریں اثنا یہ تصاویر متاثرہ خاندانوں کی جانب سے فراہم کی گئی ہیں۔
اہلِ خانہ کا ردعمل
تصاویر ملنے پر اہلِ خانہ نے اپنے پیاروں کو زندہ دیکھ کر اطمینان کا اظہار کیا۔ تاہم اس کے ساتھ ان کی رہائی کے لیے شدید بے چینی بھی ظاہر کی گئی۔
مزید برآں خاندانوں نے حکومتِ پاکستان سے مطالبہ کیا ہے کہ فوری سفارتی اقدامات کیے جائیں، تاکہ ان ماہی گیروں کی جلد رہائی ممکن بنائی جا سکے۔
یہ بھی پڑھیں
رجب بٹ کا یوٹیوب چینل بند ہونے والا ہے؟
سوشل میڈیا پر جے ڈی وینس کے چرچے عوام نے حد پار کردی
پس منظر
سمندری حدود کی مبینہ خلاف ورزی کے الزامات کے تحت متعدد پاکستانی ماہی گیر برسوں سے بھارتی جیلوں میں قید ہیں۔ دوسری جانب ان ماہی گیروں کے خاندان مسلسل ان کی واپسی کے لیے کوششیں کر رہے ہیں۔
اسی لیے انسانی ہمدردی کی بنیاد پر ان کی رہائی کا مطالبہ بار بار سامنے آتا رہا ہے۔