شارع فیصل میں ای چالان سسٹم فعال، فاسٹ ٹریک استعمال کرنے والی موٹرسائیکلوں، رکشوں اور کمرشل گاڑیوں کے خلاف کارروائی شروع
ویب نیوز ڈیسک رپورٹ
کراچی: شارع فیصل پر لین کی خلاف ورزی کرنے والی موٹرسائیکلوں، رکشوں اور کمرشل گاڑیوں کے ای چالان جاری کر دیے گئے ہیں۔
کراچی کی مصروف شاہراہ شارع فیصل پر لین کی خلاف ورزی کے خلاف ای چالان سسٹم کا باقاعدہ آغاز کر دیا گیا ہے۔
سیکڑوں ای چالان جاری
اس حوالے سے ڈی آئی جی ٹریفک کا کہنا ہے کہ یکم جون کو لین کی خلاف ورزی پر ای سسٹم کے ذریعے سیکڑوں چالان کیے گئے۔
انہوں نے بتایا کہ فاسٹ ٹریک استعمال کرنے والی موٹرسائیکلوں، رکشوں اور کمرشل گاڑیوں کے چالان جاری کیے گئے ہیں۔
بائیکرز کو عارضی ریلیف
ڈی آئی جی ٹریفک کے مطابق فی الحال دائیں جانب دوسری لین میں آنے والے بائیکرز کو چالان نہیں بھیجے جائیں گے۔
انہوں نے کہا کہ موٹرسائیکل اور کمرشل گاڑی چلانے والے تیسرے اور چوتھے ٹریک میں سفر کریں۔
یہ بھی پڑھیں
تل سے مویشیوں تک چین پاکستان شراکت مزید گہری
کینسر ویکسین میں پیشرفت، مریضوں کی رسولیاں ختم ہونے لگیں
مزید سختی کا عندیہ
ڈی آئی جی ٹریفک نے مزید کہا کہ آنے والے دنوں میں دائیں جانب دوسری لین استعمال کرنے والی موٹرسائیکلوں اور کمرشل گاڑیوں کے چالان بھی بھیجے جائیں گے۔
شہریوں سے اپیل کی گئی ہے کہ وہ ٹریفک قوانین اور مقررہ لین ڈسپلن کی پابندی کریں تاکہ سڑکوں پر ٹریفک کا نظام بہتر اور محفوظ بنایا جا سکے۔