آم کھائیں اور ان بیماریوں سے دور رہیں

آم کے چند ایسے حیران کن فائدے جو جان کر آپ اسے اپنی خوراک کا لازمی حصہ بنا لیں گے، صحت پر اس کے اثرات حیرت انگیز ہیں۔

ویب نیوز ڈیسک رپورٹ

گرمیوں کے آغاز کے ساتھ ہی بازاروں میں آموں کی بھرمار ہو جاتی ہے، اور ان کی خوشبو اور رنگ دیکھ کر ہی دل کھچ جاتا ہے۔ آم کو پھلوں کا بادشاہ بھی کہا جاتا ہے، کیونکہ اس کا ذائقہ منفرد اور دلکش ہوتا ہے۔

آم صرف ذائقے تک محدود نہیں

اگرچہ آم کا ذائقہ بہت پسند کیا جاتا ہے، لیکن یہ پھل صحت کے لیے بھی بے حد فائدہ مند ہے۔ آم میں موجود غذائی اجزا اسے ایک مکمل صحت بخش پھل بناتے ہیں۔

غذائی اجزا سے بھرپور پھل

ایک آم میں پروٹین، کاربوہائیڈریٹس، فائبر، قدرتی مٹھاس اور متعدد وٹامنز شامل ہوتے ہیں۔ ان میں وٹامن سی، وٹامن بی6، وٹامن اے، وٹامن ای اور وٹامن کے شامل ہیں۔ اس کے علاوہ کاپر، فولیٹ، پوٹاشیم، میگنیشم اور ریبوفلوین بھی موجود ہوتے ہیں۔

وٹامن سی جسم کے مدافعتی نظام کو مضبوط بناتا ہے اور آئرن کے جذب میں مدد دیتا ہے۔

کم کیلوریز اور متوازن غذا

165 گرام آم میں تقریباً 99 کیلوریز ہوتی ہیں۔ تحقیق کے مطابق کھانے کے آغاز میں آم جیسے پھل کھانے سے بہت زیادہ کھانے کی عادت پر قابو پایا جا سکتا ہے۔

ذیابیطس کے حوالے سے اہم بات

اگرچہ آم میٹھا پھل ہے، لیکن اعتدال میں اس کا استعمال ذیابیطس کے مریضوں کے لیے نقصان دہ نہیں سمجھا جاتا۔ مختلف تحقیقات میں یہ بات سامنے آئی ہے کہ تازہ پھل ذیابیطس کے خطرے کو کم کرنے میں مدد دیتے ہیں۔

اینٹی آکسائیڈنٹس کا خزانہ

آم میں پولی فینولز موجود ہوتے ہیں جو اینٹی آکسائیڈنٹس کے طور پر کام کرتے ہیں۔ یہ جسم کو نقصان دہ مادوں سے بچاتے ہیں اور دائمی بیماریوں کے خطرات کو کم کرتے ہیں۔

مدافعتی نظام کی مضبوطی

آم وٹامن اے اور وٹامن سی کا بہترین ذریعہ ہے۔ یہ اجزا خون کے سفید خلیات کو فعال کرتے ہیں اور بیماریوں سے لڑنے کی صلاحیت بڑھاتے ہیں۔

دل کی صحت کے لیے مفید

پوٹاشیم اور میگنیشم خون کی روانی بہتر بناتے ہیں اور بلڈ پریشر کو متوازن رکھنے میں مدد دیتے ہیں۔ اینٹی آکسائیڈنٹس کولیسٹرول کی سطح کم کرنے میں بھی کردار ادا کرتے ہیں۔

نظام ہاضمہ میں بہتری

آم میں موجود فائبر اور انزائمز ہاضمے کو بہتر بناتے ہیں۔ یہ کاربوہائیڈریٹس کو توانائی میں تبدیل کرنے میں مدد دیتے ہیں اور قبض جیسے مسائل میں کمی لاتے ہیں۔

یہ بھی پڑھیں

چائے اور کافی: زیادہ فائدہ یا چھپا ہوا خطرہ؟

رات گئے جاگنے کی عادت، دماغی صحت کو بڑا خطرہ

بینائی کے لیے فائدہ مند

وٹامن اے اور اینٹی آکسائیڈنٹس آنکھوں کی صحت کے لیے مفید ہیں۔ یہ روشنی کے اثرات سے آنکھوں کو تحفظ فراہم کرتے ہیں۔

کینسر کے خطرات میں کمی پولی فینولز جسم کو آکسیڈیٹو اسٹریس سے بچاتے ہیں، جو کینسر سمیت مختلف بیماریوں کی بڑی وجہ سمجھا جاتا ہے۔