فلوریڈا نے 2025 میں 15 مجرموں کو پھانسی دے کر امریکہ کی سزائے موت کی تاریخ بدل دی۔ کیا یہ انصاف ہے یا ریاستی انتقام؟ تفصیلی تجزیہ ۔
ویب نیوز رپورٹ: روبینہ یاسمین
امریکہ میں سزائے موت ایک بار پھرعالمی سطح پر شدید بحث کا موضوع اور شدید تنقید کی زد میں ہے۔ جب کوئی ریاست قانونی طور پر انسان کی جان لینے کا اختیاراستعمال کرتی ہے، تو یہ صرف ایک فرد کی موت نہیں بلکہ ایک معاشرتی، اخلاقی اور قانونی سوال بن جاتا ہے۔ 2025 میں فلوریڈا ریاست نے 15 مجرموں کو پھانسی دے کر اس بحث کو نئی جہت دی ہے ۔
امریکہ میں سزائے موت: متنازع موضوع
امریکہ میں سزائے موت ایک ایسا موضوع ہے جو دہائیوں سے متنازع چلا آ رہا ہے ۔ سن 1976 میں سپریم کورٹ کی بحالی کے بعد سے سزا کے نفاذ، اس کے طریقۂ کار اور انصاف کے تقاضوں پر مسلسل سوال اٹھتے رہے ہیں ۔ سن2025 میں فلوریڈا نے سزائے موت کے 15 ریکارڈ کیسز کے ساتھ نہ صرف امریکہ بلکہ عالمی سطح پر بھی انسانی حقوق کی بحث کو ایک بار پھر زندہ کر دیا ہے ۔
واضح رہے کہ فلوریڈا وہ ریاست ہے جس نے حالیہ برسوں میں
سزائے موت کے نفاذ میں تیزی دکھائی ہے ۔
فلوریڈا میں 2025 کی سزائے موت : انصاف یا ریاستی انتقام
امریکہ میں سزائے موت کی تاریخ اور فلوریڈا کا نیا ریکارڈ
فلوریڈا میں دی گئی حالیہ پھانسی، جس میں نارمن مرل گِرم جونیئر کو سال 1998 کے ریپ اور قتل کے جرم میں سزائے موت دی گئی، سوچنے پرمجبور کرتی ہے کہ آیا یہ نظام انصاف فراہم کرتا ہے یا صرف انتقام لیتا ہے ۔
ماہرین کے مطابق، امریکہ میں سزائے موت کے کیسز میں اکثر نسلی، معاشی اور قانونی عدم مساوات ہے۔ امریکن سول لبرٹیز یونین (اے سی ایل یو) کی رپورٹ کے مطابق، سزائے موت پانے والوں میں 60 فیصد سے زائد افراد غریب اور اقلیتی برادریوں سے تعلق رکھتے ہیں ۔
کیا اسے دیکھنا یاد ہے؟
فلوریڈا: سن2025 میں ریاست کی 15ویں پھانسی
سانپ اور انسان کی فطرت کا حیران کن موازنہ: کیا انسان سانپ سے زیادہ چالاک ہے؟
گورنر ران ڈی سینٹس اور فلوریڈا کی پھانسیوں کی پالیسی
فلوریڈا میں سیاسی اور عدالتی ماحول
گورنر ران ڈی سینٹس کے دورِحکومت میں سزائے موت کے فیصلے تیزی سے کیے جا رہے ہیں ۔ گورنر ران ڈی سینٹس کے دستخط شدہ وارنٹس اور سرکاری پالیسیوں نے اپیل کے امکانات کو محدود کرتے ہوئے اور سزائے موت کے عمل کو تیز کیا ہے ۔
تاہم اس کے پیچھے کئی عوامل ہو سکتے ہیں: سیاسی دباؤ، عوامی رائے، اور ہائی پروفائل جرائم پر سخت رویہ ۔
زیادہ ترسزائیں مہلک انجکشن کے ذریعے دی جاتی ہیں ۔ (lethal injection)
سیاسی دباؤ اور “لا اینڈ آرڈر” کا نعرہ
سن 2025 میں فلوریڈا نے ٹیکساس اور الاباما دونوں کو پیچھے چھوڑ دیا ۔ تجزیہ کاروں کے مطابق، یہ سیاسی دباؤ اور “لا اینڈ آڈر” کی سیاست کا حصہ ہے، جس کے ذریعے عوامی حمایت حاصل کرنے کی کوشش کی جا رہی ہے ۔
جغرافیہ اور بنیادی معلومات
پھولوں کی سرزمین اورمعیشت و سیاحت میں سب سے اہم کردارادا کرنے والی فلوریڈا کی آبادی سن 2020 کی مردم شماری کے مطابق تقریباً 2 کروڑ 30 لاکھ کے لگ بھگ ہے، جو امریکہ کی تیسری سب سے زیادہ آبادی والی ریاست ہے ۔
فلوریڈا میں انکم ٹیکس نہیں لیا جاتا، جس کی وجہ سے بہت سے لوگ یہاں مستقل رہائش اختیار کرتے ہیں ۔ حتی کہ اسپیس انڈسٹری کا مرکز بھی فلوریڈا ہی ہے ۔ اس ریاست میں سب سے زیادہ گالف کورسز بھی ہیں ۔
فلوریڈا امریکہ کی جنوبی ریاست ہے (جو زمینی طور پر جڑی ہوئی ہے) ۔ اس کا دارالحکومت ٹلہاسی ہے ۔ یہ 3 مارچ سن 1845 کو امریکہ کی 27 ویں ریاست بنی ۔ ریاست کا کل رقبہ تقریباً 65,758 مربع میل (170,311 مربع کلومیٹر) ہے ۔
یہ ریاست امریکہ کے ان چند علاقوں میں سے ہے جن کے پاس سب سے لمبی ساحلی پٹی ہے۔ یہ زیادہ تر سمندر کی سطح کے قریب ہے، اس کا سب سے بلند قدرتی مقام صرف 105 میٹر اونچا ہے ۔ علاوہ ازیں فلوریڈا میں ہزاروں جھیلیں، دریا اور بیچز ہیں ۔ اسی لیے اسے “پانی کی ریاست” بھی کہا جاتا ہے ۔
ہسپانوی مہم جو نے سن 1513 میں اس علاقے کا نام رکھا ۔ “Juan Ponce de León”
یہاں دنیا کا مشہور ایورگلَیڈز نیشنل پارک واقع ہے، جو امریکہ کا سب سے بڑا سب ٹراپیکل جنگلی علاقہ ہے ۔ فلوریڈا واحد جگہ ہے جہاں امریکی مگرمچھ اورالِیگیٹر دونوں قدرتی طور پر پائے جاتے ہیں۔
فلوریڈا کیز کے قریب امریکہ کی واحد قدرتی مرجانی چٹان (کول ریف) موجود ہے ۔
فلوریڈا کو اکثر امریکہ کا بجلی اور آندھیوں والا مرکز بھی کہا جاتا ہے کیونکہ یہاں سال بھر سب سے زیادہ طوفان اور بجلیاں گرتی ہیں ۔
یہ ریاست امریکہ میں سب سے زیادہ سنگترے (اورنج) پیدا کرنے والی ریاستوں میں شامل ہے ۔ فلوریڈا کا قومی پھول “اورِنج بلوسَم” ہے جو یہاں کی مشہور پھلوں کی صنعت کی نمائندگی کرتا ہے ۔
سزائے موت کے کیسز میں سائنسی شواہد اور قانونی تنازعات
غلط ڈی این اے شواہد اور غلط سزاؤں کی حقیقت
اگرچہ بعض کیسز میں ڈی این اے نے مجرم کو براہِ راست جوڑا ہے، تاریخ میں کئی ایسے واقعات بھی سامنے آئے ہیں جہاں بعد ازاں غلط سزا کا انکشاف ہوا۔ “سی اینوسینٹ پیپل” کے اعداد و شمار بتاتے ہیں کہ گزشتہ بیس سالوں میں کئی افراد جنہیں سزائے موت سنائی گئی تھی، بے گناہ تھے ۔ چناچہ وہ بری ہوگئے۔ یہ حقیقت عدالتوں کے غلط فیصلوں کے خطرے کو بے نقاب کرنے کی لیے کافی ہے۔
اگرچہ نارمن مرل گِرم جونیئر کے خلاف ڈی این اے شواہد موجود تھے، لیکن متعدد کیسز میں امریکی عدالتوں نے بعد ازاں غلط سزاؤں کو تسلیم کیا ۔ انوسینس پروجیکٹ کے مطابق، گزشتہ بیس برسوں میں 190 افراد ایسے پائے گئے جنہیں غلط طور پر سزائے موت سنائی گئی تھی ۔
فلوریڈا کی 2025 کی سزاؤں میں نسلی اور معاشی عدم توازن
غریب اور اقلیتی طبقے سب سے زیادہ متاثر
اعداد و شمار یہ بتاتے ہیں کہ سزائے موت کے متاثرین میں اقلیتی اور کمزور معاشرتی طبقات نمایاں ہیں ۔ قانونی نمائندگی، مالی وسائل، اور مقامی عدالتی روایتیں فیصلوں کو متاثر کرتی ہیں ۔ نتیجتاً انصاف کا فقدان نہ صرف فردی بلکہ اجتماعی سطح پر بھی تشویش کا باعث بنتا ہے ۔
عالمی سطح پر سزائے موت کی مخالفت : کیا امریکہ پیچھے رہ گیا؟
دنیا کے 140 سے زائد ممالک نے سزائے موت کو ختم یا معطل کر دیا ہے ۔ یورپ، لاطینی امریکہ اور افریقہ کے کئی ممالک میں یہ سزا اب غیر انسانی تصور کی جاتی ہے ۔ لیکن امریکہ، چین، ایران اور سعودی عرب اب بھی سزائے موت کے بڑے نفاذ کنندگان میں شمار ہوتے ہیں ۔ وہ ابھی بھی اس سزا کو وسیع پیمانے پر استعمال کرتے ہیں ۔ تاہم امریکہ کا اس فہرست میں ہونا بین الاقومی انسانی حقوقی مباحث میں اس کے موقف کو چیلنج کرتا ہے۔
انسانی حقوق کے تناظر میں فلوریڈا کی سزائیں
سزائے موت کے حق میں دلائل عام طور پر (روک تھام) ، (انتقام) اورعوامی تحفظ پرمبنی ہوتے ہیں ۔ مگرمتعدد سوشیالوجیکل اسٹڈیز نے ثابت کیا کہ سزائے موت جرائم کی روک تھام میں اٹل یا نمایاں کمی نہیں لاتی ۔ اخلاقی نقطۂ نظر سے، انسان کی جان لینے کا اختیار ریاست کے حوالے کرنا سنگین فلسفیانہ سوالات کو جنم دیتا ہے ۔
قانونی اصلاحات کی ضرورت
کچھ ماہرین مشورہ دیتے ہیں کہ
ڈی این اے ٹیسٹنگ اور جدید فارنسک تکنیکس کو مقدمات میں لازمی کیا جائے۔
کم آمدنی والے ملزمان کو معیاری قانونی نمائندگی فراہم کی جائے۔
اپیل کے عمل میں شفافیت اور وقت کی حدود کو ازسرِ نو دیکھا جائے۔
نتیجہ : فلوریڈا میں 2025 کی سزائے موت نے دنیا کو جھنجھوڑ دیا
فلوریڈا میں 2025 کی پھانسیاں ایک بار پھر یہ سوال کر رہی ہیں کہ
کیا ریاست کو کسی انسان کی جان لینے کا اخلاقی حق حاصل ہے“؟”
جب دنیا پُرامن انصاف کی سمت بڑھ رہی ہے، امریکہ میں سزائے موت کا بڑھتا رجحان جمہوری اقدار اور انسانی حقوق کے بنیادی فلسفے سے متصادم دکھائی دیتا ہے ۔
