ایران نے امریکا پر فیفا ورلڈ کپ 2026 میں میزبانی کے اصولوں کی خلاف ورزی کا الزام عائد کرتے ہوئے ویزوں میں رکاوٹوں اور غیر منصفانہ سلوک پر اعتراض اٹھا دیا۔
ویب نیوز ڈیسک رپورٹ
ایران نے امریکا پر فیفا ورلڈ کپ 2026 کی میزبانی کے اصولوں کی خلاف ورزی کا الزام عائد کر دیا ہے۔
ایرانی دفترِ خارجہ کے ترجمان اسماعیل بقائی نے امریکی رویے کو سیاسی قرار دیتے ہوئے کہا کہ
سال 2026 کے ورلڈ کپ کے دوران ایرانی ٹیم کے ساتھ انتہائی نامناسب سلوک کیا گیا۔
ویزا مسائل پر اعتراض
اسماعیل بقائی نے اپنے بیان میں کہا کہ قومی ٹیم کے کئی کوچز اور فٹبال فیڈریشن کے حکام کو امریکی ویزے جاری نہیں کیے گئے۔ ان کے مطابق ویزوں کے اجرا میں رکاوٹیں ابتدا ہی سے ایک بڑا مسئلہ رہی ہیں۔
انہوں نے مزید کہا کہ ایرانی قومی ٹیم کو میچ کے مقام سے الگ جگہ پر ٹھہرانا بھی ایک اہم مسئلہ تھا۔ ان کا مؤقف تھا کہ میزبان ملک نے ایرانی ٹیم کے ساتھ میزبانی کے تقاضوں کے برعکس رویہ اختیار کیا۔
کپتان مہدی طارمی کا بھی الزام
اس سے قبل ایرانی فٹبال ٹیم کے کپتان مہدی طارمی بھی میزبان امریکا پر غیر منصفانہ سلوک کا الزام عائد کر چکے ہیں۔
مہدی طارمی نے کہا تھا کہ فیفا نے مسائل حل کرنے کی یقین دہانی کرائی تھی، تاہم عملی طور پر کچھ بھی نہیں بدلا۔ ان کے مطابق ایرانی ٹیم کے لاجسٹک عملے اور میڈیا نمائندوں کو بھی امریکی ویزے نہیں مل سکے۔
ورلڈ کپ سے اخراج واضح رہے کہ ایران کی ٹیم فیفا ورلڈ کپ 2026 کے ناک آؤٹ مرحلے سے قبل ہی ایونٹ سے باہر ہو چکی ہے