گرمی میں ماہرین کی ہدایت، شہری دھوپ سے بچیں، پانی ابال کر پئیں اور باہر کے کھانوں سے پرہیز کریں، احتیاطی تدابیر کریں
کراچی میں شدید گرمی کے باعث ماہرین نے شہریوں کو بلا ضرورت گھروں سے نہ نکلنے کی ہدایت دی ہے۔ شہریوں کو احتیاط برتنے کا مشورہ دیا جا رہا ہے۔
میڈیا رپورٹس کے مطابق گرمی بڑھنے پر طبی ماہرین نے احتیاطی تدابیر اختیار کرنے پر زور دیا ہے۔ انہوں نے کہا کہ باہر کے کھانے اور مشروبات سے پرہیز کریں۔ پانی ابال کر پینا زیادہ محفوظ ہے۔
ماہرین کے مطابق غیر معیاری خوراک معدے کے مسائل پیدا کرتی ہے۔ گرمی میں مختلف انفیکشنز کا خطرہ بھی بڑھ جاتا ہے۔
انہوں نے ہدایت کی ہے کہ تیز دھوپ میں باہر نہ نکلیں۔ خاص طور پر صبح 11 بجے سے دوپہر 3 بجے تک احتیاط کریں۔
ماہرین نے کہا کہ ہلکے رنگ کے ڈھیلے کپڑے پہنیں۔ باہر نکلتے وقت سر ڈھانپ کر رکھیں۔
یہ بھی پڑھیں
براعظموں کی حرکت کا انکشاف کرنے والا نیا ڈیجیٹل ٹول
صومالیہ میں پاکستانی مغویوں کی حالت تشویشناک
محکمۂ موسمیات کے مطابق آئندہ 24 گھنٹوں میں کراچی کا موسم گرم اور خشک رہے گا۔ زیادہ سے زیادہ درجۂ حرارت 37 سے 39 ڈگری سینٹی گریڈ رہنے کا امکان ہے۔