لیپ ٹاپ کو نرم سطح پر استعمال کرنے سے ڈیوائس زیادہ گرم ہو سکتی ہے، جس سے بیٹری، کارکردگی اور عمر متاثر ہونے کا خطرہ
ویب نیوز ڈیسک رپورٹ
بیشتر افراد لیپ ٹاپ کو گود میں رکھ کر استعمال کرتے ہیں۔ اس طرح انہیں زیادہ آرام محسوس ہوتا ہے۔ ویسے بھی لیپ ٹاپ ایسی ڈیوائس ہے جسے کہیں بھی لے جا کر استعمال کیا جا سکتا ہے۔
مگر ماہرین کے مطابق نرم سطح پر لیپ ٹاپ رکھ کر استعمال کرنا اس کی عمر کم کر سکتا ہے۔
نرم سطح لیپ ٹاپ کے لیے کیوں نقصان دہ ہے؟
لیپ ٹاپ کو تکیے، کشن، بستر یا گود میں رکھنے سے اس کے پنکھے کو مناسب ہوا نہیں ملتی۔ اس سے ہوا کا بہاؤ متاثر ہوتا ہے۔ نتیجتاً ڈیوائس زیادہ گرم ہونے لگتی ہے۔
جب لیپ ٹاپ زیادہ گرم ہوتا ہے تو پنکھے کو اسے ٹھنڈا رکھنے کے لیے زیادہ محنت کرنا پڑتی ہے۔
یہ اضافی دباؤ وقت کے ساتھ بیٹری اور دیگر اہم حصوں کو نقصان پہنچا سکتا ہے۔
ماہرین کے مطابق زیادہ گرم ہونے سے لیپ ٹاپ کی کارکردگی بھی متاثر ہوتی ہے۔
لیپ ٹاپ زیادہ گرم ہونے کی نشانیاں
اگر لیپ ٹاپ کے پنکھے کی آواز معمول سے زیادہ آنے لگے تو یہ خطرے کی علامت ہو سکتی ہے۔
اسی طرح اگر ڈیوائس جلد گرم ہونے لگے تو یہ بھی زیادہ حرارت کی نشانی ہے۔
لیپ ٹاپ کو محفوظ طریقے سے کیسے استعمال کریں؟
اگر آپ بستر، صوفے، فرش یا گود میں لیپ ٹاپ استعمال کرنا چاہتے ہیں تو اس بات کو یقینی بنائیں کہ ڈیوائس زیادہ گرم نہ ہو۔
اس مقصد کے لیے کولنگ پیڈ استعمال کیے جا سکتے ہیں۔
یہ بھی پڑھیں
کرپٹو کرنسی کے نام پر نئی لوٹ مار سامنے آگئی
یہ پیڈ لیپ ٹاپ کو ٹھنڈی ہوا فراہم کرتے ہیں۔ اس سے ڈیوائس گرم ہونے سے بچتی ہے۔
اگر کولنگ پیڈ دستیاب نہ ہو تو لیپ ٹاپ کو اس انداز میں رکھیں کہ وہ نرم سطح سے کچھ اونچا رہے۔
اس طرح ہوا کی آمدورفت جاری رہتی ہے۔
ماہرین نے مشورہ دیا ہے کہ لیپ ٹاپ زیادہ گرم ہونے پر اس کا استعمال فوری روک دینا چاہیے تاکہ ڈیوائس کو نقصان سے بچایا جا سکے۔