ہیلی کاپٹر حادثہ: مظفر آباد کے قریب پاک فوج کا ایم آئی-17 ہیلی کاپٹر تکنیکی خرابی کے باعث گر گیا، تمام اہلکار شہید، تحقیقات کا حکم
ویب نیوز ڈیسک رپورٹ
راولپنڈی / مظفر آباد: پاکستان آرمی ایوی ایشن کا ایم آئی-17 ہیلی کاپٹر مظفر آباد کے قریب افسوسناک حادثے کا شکار ہوگیا۔
پاک فوج کے شعبہ تعلقات عامہ (آئی ایس پی آر) کے مطابق ہیلی کاپٹر ٹیک آف کے دوران تکنیکی خرابی کے باعث گر کر تباہ ہوا۔
تمام اہلکار شہید
آئی ایس پی آر نے تصدیق کی ہے کہ حادثے کے نتیجے میں ہیلی کاپٹر میں سوار تمام اہلکار شہید ہوگئے۔
حادثے کے فوراً بعد ریسکیو اور ریکوری ٹیمیں موقع پر پہنچ گئیں اور امدادی کارروائیاں شروع کر دی گئیں۔
تحقیقات کا حکم
آئی ایس پی آر کے مطابق حادثے کی اصل اور تکنیکی وجوہات جاننے کے لیے بورڈ آف انکوائری تشکیل دے دیا گیا ہے۔
یہ بھی پڑھیں
وفاقی قرضہ: 81 ہزار 930 ارب روپے؟ نیا ریکارڈ کیسے بن گیا؟
بی آئی ایس پی: سہ ماہی قسط میں اضافہ کا فیصلہ
اعلیٰ قیادت کا اظہار افسوس
چیف آف ڈیفنس فورسز نے حادثے میں قیمتی جانوں کے ضیاع پر گہرے دکھ اور افسوس کا اظہار کیا ہے۔ انہوں نے شہداء کے اہل خانہ سے دلی تعزیت بھی کی۔ وزیراعظم شہباز شریف نے بھی مظفر آباد کے قریب پیش آنے والے اس افسوسناک ہیلی کاپٹر حادثے پر افسوس کا اظہار کرتے ہوئے شہید اہلکاروں کو خراجِ عقیدت پیش کیا ہے۔