رجنی کانت کا وجے کے الیکشن سے متعلق اہم بیان

رجنی کانت کا مؤقف: وجے کو جیت پر فوری مبارک باد دی، سیاست میں نہ ہونے کے باوجود تنقید کا سامنا رہا

ویب نیوز ڈیسک رپورٹ

بھارتی فلموں کے سپر اسٹار اداکار رجنی کانت نے جوزف وجے کی ریاستی انتخابات میں کامیابی اور تامل ناڈو کا وزیراعلیٰ بننے سے متعلق خبروں پر خاموشی توڑ دی۔

بھارتی میڈیا رپورٹس کے مطابق ایک انٹرویو میں رجنی کانت نے ان قیاس آرائیوں پر ردعمل دیا جن میں کہا جا رہا تھا کہ وہ وجے کی انتخابی کامیابی اور وزیراعلیٰ بننے پر خوش نہیں ہیں۔

تنقید پر رجنی کانت کا جواب

رجنی کانت نے کہا کہ انتخابات کے معاملے پر انہیں شدید تنقید کا سامنا کرنا پڑ رہا ہے۔ ان کے مطابق اگر وہ اس پر جواب نہ دیتے تو لوگ ان خبروں کو سچ سمجھ لیتے۔

اداکار نے بتایا کہ انتخابی نتائج کے بعد وہ تامل ناڈو کے سابق وزیراعلیٰ ایم کے اسٹالن سے بھی ملے تھے، جس پر بھی انہیں تنقید کا نشانہ بنایا گیا، حالانکہ ان کی دوستی سیاست سے بالاتر ہے۔

وجے سے حسد کی خبروں کی تردید

رجنی کانت نے ان افواہوں کو مسترد کردیا جن میں کہا جا رہا تھا کہ وجے کے وزیراعلیٰ بننے پر وہ ناراض یا حسد کا شکار ہیں۔

انہوں نے کہا کہ وجے کی کامیابی پر انہوں نے فوری طور پر انہیں مبارک باد دی تھی۔ رجنی کانت کے مطابق وہ خود سیاست میں نہیں ہیں، اس لیے وجے سے حسد کا کوئی سوال ہی پیدا نہیں ہوتا۔

بزرگ نے تنہائی کے خاتمے کے لیے سپر مارکیٹ میں رہائش اختیار کرلی
امریکا ایران امن عمل: 5 سخت شرائط، معاوضہ دینے سے انکار

کمل ہاسن سے متعلق مزاحیہ جملہ

ازراہِ مذاق رجنی کانت نے کہا کہ شاید اگر کمل ہاسن وزیراعلیٰ بن جائیں تو انہیں حسد ہوسکتا ہے۔ انہوں نے کہا کہ وجے اور ان کے درمیان 25 سال کا فرق ہے، اس لیے دونوں کا موازنہ مناسب نہیں لگتا۔

کمل ہاسن سے متعلق رجنی کانت کے اس مزاحیہ جملے نے سوشل میڈیا پر خاصی توجہ حاصل کی اور مداحوں نے پریس میٹ کی ویڈیوز بڑے پیمانے پر شیئر کیں۔ رجنی کانت نے یہ بھی کہا کہ وجے کی سیاسی کامیابی کی خبر ان کے لیے حیران کن تھی۔