میٹرو بس سروس راولپنڈی: انتظامی ناکامی کے باعث شہری طویل قطاروں اور مشکلات کا سامنا کر رہے ہیں، مسافروں کو روزانہ شدید پریشانی
ویب نیوز ڈیسک رپورٹ
راولپنڈی: جڑواں شہروں راولپنڈی اور اسلام آباد کے درمیان چلنے والی میٹرو بس سروس میں انتظامی مسائل سامنے آ گئے ہیں۔
مسافروں کو آسان سفری سہولیات فراہم کرنے میں انتظامیہ ناکام دکھائی دے رہی ہے۔
طویل قطاریں اور مشکلات
مفت سفر ہونے کے باوجود شہریوں کو اسٹیشنز پر طویل قطاروں میں کھڑا رہنا پڑ رہا ہے۔ مینول ٹکٹنگ سسٹم کے باعث اسٹیشنز پر رش میں مزید اضافہ ہو گیا ہے۔
آفس اوقات اور پیک آورز میں صورتحال مزید خراب ہو جاتی ہے، جہاں مسافروں کو شدید مشکلات کا سامنا ہے۔
انتظامی خاموشی
میٹرو بس سروس راولپنڈی کی انتظامیہ کی جانب سے صورتحال پر کوئی واضح مؤقف سامنے نہیں آیا۔
ذرائع کے مطابق موقف کے لیے متعدد بار رابطہ کیا گیا، تاہم کوئی جواب موصول نہیں ہوا۔
یہ بھی پڑھیں
ہل پارک اراضی: قبضہ مافیا سرگرم، پہاڑ کاٹ کر تعمیرات شروع
اس عادت کو اپنائیں اور بڑھاپے کی رفتار کم کریں
صورتحال
شہریوں کے مطابق بہتر انتظام نہ ہونے کے باعث میٹرو بس سروس کا نظام متاثر ہو رہا ہے اور روزانہ کی بنیاد پر مشکلات میں اضافہ ہو رہا ہے۔