درمیانہ بیگ خواتین کے لیے سب سے موزوں، اسٹائلش اور صحت بخش انتخاب ہے۔ جانیے قد، موقع اور رجحان کے مطابق بہترین بیگ سائز 2025 میں۔

ویمن اسٹائل گائیڈ تحریر : روبینہ یاسمین

بیگ صرف ایک فیشن آئٹم نہیں بلکہ عورت کی شخصیت، طرزِ زندگی اور روزمرہ کے رویّوں کی مکمل عکاسی ہے۔ ایک بیگ نہ صرف سامان رکھتا ہے بلکہ عورت کی خود اعتمادی، نفاست، اور اس کے اسٹائل سینس کا آئینہ دار بھی ہوتا ہے ۔

لیکن اکثر خواتین یہ سوچتی ہیں کہ “کون سا سائز کا بیگ زیادہ سوٹ کرتا ہے؟ بڑا، درمیانہ یا چھوٹا “؟

یہ سوال صرف فیشن اور اسٹائل سے نہیں، بلکہ صحت، سماجی اندازِ زندگی ، سماجی رویّوں اور سہولت سے بھی گہرا تعلق رکھتا ہے ۔

بیگ سائز کا انتخاب کن چیزوں پر منحصر ہے؟  

قد اور جسمانی ساخت

ماہرینِ فیشن کے مطابق بیگ کا سائز عورت کے قد اور جسمانی تناسب سے مطابقت رکھنا چاہیے ۔

قد میں چھوٹی خواتین پر درمیانے یا چھوٹے بیگ زیادہ جاذبِ نظر لگتے ہیں، کیونکہ وہ جسمانی توازن کو برقرار رکھتے ہیں ۔

قد میں لمبی خواتین پر بڑے ٹوٹ بیگز یا شاپر بیگز بہتر تاثر دیتے ہیں ۔

کے مطابق (Fashion & Design Journal, 2023) ایک تحقیق

جسمانی تناسب کے برعکس سائز کے بیگ پہننے سے باڈی پروپورشن بگڑ جاتا ہے اور مجموعی تاثر کمزور ہو جاتا ہے ۔

وزن اور صحت کا تعلق

ماہرینِ صحت کے مطابق، خواتین کا بیگ روزانہ ان کے جسم کے وزن کا 10% سے زیادہ نہیں ہونا چاہیے ۔

مثلاً اگر کسی عورت کا وزن 60 کلو ہے تو بیگ 6 کلو سے زیادہ وزنی نہیں ہونا چاہیے ۔

زیادہ وزن والا بیگ کندھوں کے پٹھوں، ریڑھ کی ہڈی، اور گردن میں درد پیدا کر سکتا ہے ۔

کے مطابق Chiropractic Association برطانوی

کم و بیش 70 فیصد خواتین میں کندھوں کے درد کی ایک بڑی وجہ اوورویٹ بیگز ہیں ۔

موقع اور استعمال کے لحاظ سے بیگ کا سائز

موقع	بہترین بیگ سائز	استعمال کی مثالیں
روزمرہ دفتر یا یونیورسٹی	درمیانہ (Medium Tote)	A4 فائل، پانی کی بوتل، موبائل، نوٹ بک
پارٹی یا فنکشن	چھوٹا (Clutch / Mini Bag)	لپ اسٹک، فون، کارڈ
ٹریول یا آؤٹنگ	بڑا (Travel / Shoulder Bag)	کپڑے، چارجر، ضروری سامان

ماہرین کا کہنا ہے کہ عورتوں کے 65% بیگز ضرورت سے زیادہ بڑے ہوتے ہیں ۔ جو نہ صرف وزن بڑھاتے ہیں بلکہ اسٹائل بیلنس کو بھی خراب کرتے ہیں۔

فیشن کے بدلتے رجحانات

سن 2025 میں دنیا بھر میں “Mini Bags” اور “Crossbody Bags” ٹرینڈ میں ہیں۔

Google Trends کے مطابق “Best Bag Size for Women” کی سرچ 2024 میں 180% بڑھی۔

پاکستان، بھارت، ترکی، اور فرانس کی خواتین نے اس رجحان میں سب سے زیادہ دلچسپی ظاہر کی ۔

فیشن انڈسٹری رپورٹس کے مطابق، 90% فیشن ایڈیٹرز مانتے ہیں کہ

“Mini Bags not only complete a look but also define elegance and simplicity.”

ماہرین کی رائے

مشہور اسٹائل کنسلٹنٹ سارہ قریشی کہتی ہیں:، “بیگ صرف سامان رکھنے کا ذریعہ نہیں بلکہ خود اعتمادی اور شخصیت کا اظہار ہے”۔

آپ کا بیگ جتنا توازن والا ہوگا، اتنا ہی اسٹائل قدرتی لگے گا “۔”

: فیشن تھراپسٹ نادیہ خان کے مطابق

خواتین کا بیگ ان کی روزمرہ توانائی اور ترجیحات کا عکاس ہوتا ہے ۔ کم وزن، توازن والا بیگ مثبت باڈی لینگویج کو بڑھاتا ہے “۔”

یہ بھی پڑھیں

نریڑی لگون بدین میں سندھ وائلڈ لائف کی کارروائی، شکاریوں کے جال تلف

کیا گُڑ واقعی آپ کی صحت کے لیے بہتر ہے؟

نتیجہ

خواتین کے لیے درمیانے سائز کے بیگز سب سے زیادہ کارآمد، اسٹائلش اور صحت کے لحاظ سے محفوظ مانے جاتے ہیں ۔

: یاد رکھیں

بیگ آپ کی ضرورت کے مطابق ہو، نہ کہ فیشن کے دباؤ کے مطابق ۔ اسمارٹ ویمن وہ ہیں جو اسٹائل کے ساتھ ساتھ اپنی صحت اور آرام کا بھی خیال رکھتی ہیں ۔