ریڈ ہیڈیڈ مرلن کی کیپٹو بریڈنگ کیوں ضروری ہے

معدومیت سے دوچار ریڈ ہیڈڈ مرلن کو شکاری لوگ

پیریگرن فیلکن کے شکار کے لیے استعمال کرتے ہیں جو

عموماََ مرلنز کے موت کا سبب بنتا ہے

رپورٹ: روبینہ یاسمین

کراچی: شاھین سے مماثلت رکھنے والا یہ ہے ریڈ ہیڈیڈ مرلن، جس کی نسل معدومیت کے خطرات سے دوچار ہے۔
ریڈ ہیڈیڈ مرلن کو مقامی زبان میں لال سری اور ترمتی بھی کہا جاتا ہے۔ یہ ایک شکاری پرندہ ہے جس کا

مسکن پاکستان اور انڈیا کے کھیت اور باغات ہیں۔ اس شکاری پرندہ کی خوراک کا انحصار زیادہ تر چھوٹے

پرندے جن میں فاختا، بطخ، چڑیا، کبوتر، مینا وغیرہ کے شکارپر ہوتا ہے۔

مادہ مرلن کی لمبائی 12 انچ اور نر کی لمبائی 10 کے قریب ہوتی ہے۔

اس شکاری پرندے کے پروں کا پھیلاو 22 انچ تک ہوتا ہے۔

مرلن کے جوڑے کے ملن کا مہینہ جنوری سے مارچ کے دوران ہوتا ہے۔

مرلن کی نسل اس وقت پاکستان کے بیشتر علاقوں سے غیر قانونی شکار کے باعث ختم ہو چکی ہےتاہم

سندھ اور پنجاب کے چند مقامات پر مرلن کے چند زندہ بچ جانے والے جوڑے اپنی بقاء کی جنگ لڑ رہے ہیں۔

مقامی بازار میں اس کی قیمت 8 سے 10 ہزار روپے ہے۔

مرلن کو شکاری لوگ پیریگرن فیلکن کے شکار کے لیے استعمال کرتے ہیں جس

کے باعث زیادہ تر مرلن کے موت کا سبب پیریگرن فلکن کے شکار کے لئے استعمال کیا جانا ہے۔

اس خوبصورت پرندے کو بچانے کے لیے ہنگامی اقدامات کی ضرورت کے پیش نظر

کراچی سے تعلق رکھنے والے عمر ہاشمی کی سربراہی میں کراچی فالکنری اسوسی ایشن نےمحکمہ لائیو

اسٹاک سندھ کے اشتراک سے گزشتہ برس2023میں اس شکاری پرندے کی بریڈنگ پر کام شروع کیا گیا تھا

تاہم محکمہ وائلڈ لائف سندھ کی مخداخلت کے باعث مرلن کی بقا کے کیپٹو بریڈنگ پروگرام کو ختم کرنا پڑا۔

عمر ہاشمی کا کہنا ہے کہ محکمہ وائلڈ لائف سندھ کے کیوریٹر جاوید مہر نے ان سے کہا کہ

مر لن کی کیپٹو بریڈنگ کرسکتے ہیں۔ Disabled آپ معزور

نمائندہ خصوصی روبینہ یاسمین نے جب ان سے پوچھا کہ آپ کے پاس ریڈہیڈد مرلن کہاں سے آئے، تب عمر نے

جواباََ بتایا کہ کراچی کی ایمپریس مارکیٹ میں پرندوں اور جانوروں کا بازار لگتا ہے، جہاں نایاب نسل

کے پرندے اور جانور دستیاب ہوتے ہیں چناچہ میں نے بھی مرلن کے جوڑے کراچی میں واقع ایمپریس

صدر مارکیٹ سے چند ہزار روپے میں خریدے تھے۔

لیکن محکمہ لائیو اسٹاک سندھ کے سابق ڈائریکٹر جنرل نظیر کلہوڑو جو اس پروگرام ہمیں

معاونت فراہم کر رہے تھے، اُن پر اوپر سے شدید دباؤ ڈالا گیا کہ اس پروگرام کو فی الفوز بند کیا جائے۔

چناچہ نہ چاہتے ہوئے بھی ہمیں ریڈ ہیڈیڈ مرلن کی بریڈنگ کے عمل کو مہر جاوید احمد کنزرویٹر محکمہ

سندھ وائلڈ لائف ڈپارٹمنٹ کے کہنے پر اور شدید دباؤ کے باعث منقطع کرنا پڑا۔

: یہ بھی پڑھیں

بونیلی ایگل اور برہمنی کائٹ

منگولیا میں 20 لاکھ جانور ہلاک

وائلڈ لائف ڈپارٹمنٹ سندھ کے کنزرویٹر مہر جاوید احمد سے نمائندہ خصوصی روبینہ یاسمین نے سوال کیا

کہ محکمہ جنگلی حیات کے تحفظ کے قوانین کے مطابق کن پرندوں کی کیپیٹو بریڈنگ کی اجازت ہے اور کن

کی نہیں، علاوہ ازیں خلاف ورزی کرنے والے افراد کو کتنا جرمانہ ادا کرنا ہوگا اور کیا سزا دی جائے گی؟

تاہم محکمہ تحفظ جنگلی حیات سندھ کے ڈپٹی کنزرویٹر ممتاز نے جنگلی حیات کی بریڈنگ حوالے سے

ویڈیو گفتگو کے دوران کہا کہ اول تو اس طرح کے مقامی پرندوں کی اقسام مارکیٹ میں موجود ہی

نہیں ہوتی۔ انہوں نے یاد دہانی کرواتے ہوئے کہا کہ ایسے پرندے جو پالتو ہوں اور مقامی طور پر بریڈنگ کے

بعد مارکیٹ میں بیچنے کے لئے لائے گئے ہوں یا بیرون ملک سے منگواکر ان کی پاکستان میں کیپیٹوبریڈنگ

کروائی گئی ہو تو ہم ایسے لوگوں کے خلاف قانونی کاروائی نہیں کرتے علاوہ ازیں ہر وہ اقدام جو

غیرقانونی ہو جیسا کہ نیٹنگ، ہنٹگ، ٹریپنگ، محکمہ اسکی حوصلہ شکنی کرتا ہے اور قانونی طریقے سے

کئے جانے والے کاموں کو سپورٹ کرتا ہے۔

ڈپٹی کنزرویٹر ممتاز نے مزید کہا کہ جنگلی حیات کی غیرقانی سرگرمیوں میں پکڑے جانے والے افراد کو ہم

سیشن کورٹ کے ذریعے لاکھوں روپے کے جرمانے اور سزائیں دلواتے ہیں۔

کراچی فالکنری اسوسی ایشن کے صدر عمر ہاشمی کا کہنا ہے کہ متعلقہ اعلی حکام کو اس پرندے کو

بچانے کے لیے اپنا کردار ادا کرنا چاہیئے اور کیپٹو بریڈنگ کے ذریعے اس کی تعداد میں اضافے کی ہر ممکن

کوشش کرنی چاہئیے تاکہ یہ خوبصورت ریڈ ہیڈڈ مرلن ہماری آنے والی نسلیں بھی دیکھ سکیں۔