نیشنل ڈایابیٹک نیٹ ورک کے ذریعے روزانہ تقریباً پچھتر ہزار
ذیابیطس کے مریضوں کو بلا معاوضہ علاج اور رہنمائی فراہم
کی جائے گی۔
ویب نیوز رپورٹ: روبینہ یاسمین
کراچی: پاکستان بھر میں ذیابیطس کے مریضوں کو مفت علاج اور طبی معاونت فراہم کرنے کے لئے تین ہزار ذیابیطس کلینکس کا نیٹ ورک قائم کیا گیا ہے۔ اس نیٹ ورک کے تحت ملک بھر میں روزانہ تقریباً پچھتر ہزار مریضوں کو بلا معاوضہ علاج اور رہنمائی فراہم کی جائے گی۔
ڈایابیٹک ایسوسی ایشن آف پاکستان کے جوائنٹ سیکریٹری، پروفیسرعبد الباسط نے گیٹس فارما کے چیف ایگزیکٹو آفیسر ڈاکٹر خرم حسین کے ہمراہ ذیابطیس کے مریضوں کے علاج کے لیے تین ہزار مفت کلینکس پر مشتمل “نیشنل ڈایابیٹک نیٹ ورک ” کا افتتاح کیا۔
تقریب سے خطاب کرتے ہوئے پروفیسرعبدالباسط نے بتایا کہ این ڈی این کے تین ہزار کلینکس پر روزانہ بچھتر ہزار مریضوں کو مفت علاج کی سہولت دیں گے۔ ان کا کہنا تھا کہ ملک بھر میں تین ہزار کلینکس ہیلتھ پروموشن فاؤنڈیشن، میری صحت اور گیٹس فارما کے تعاون سے قائم کررہے ہیں۔
اس موقع پر صحافیوں سے گفتگو کرتے ہوئے سی ای او گیٹس فارما خالد محمود نے ان تین ہزار کلینکس پر ادویات پچاس فیصد رعایتی قیمتوں پر دینے کا اعلان کیا۔ اس سہولت میں انسولین کی فراہمی بھی شامل ہے۔
سی ای میری صحت بابر راشد نے تقریب کے موقع پربتایا کہ میری صحت کے تحت ملک بھر میں ڈاکٹروں کو ذیابیطس کے حوالے سے یکساں علاج کی خصوصی تربیت دی جارہی ہے۔
: یہ بھی پڑھیں
کا باہمی معاہدہ کارگرثابت ہوگا CEJکیا بینک الفلاح اور
واضح رہے کہ ’’انٹرنیشنل ڈائبٹیز فیڈریشن‘‘ کے اعداد و شمار کے مطابق، پاکستان میں شوگر کے مرض کی شرح 30.8 فیصد ہے جبکہ زیابیطیس کے مریضوں کی کل تعداد تین کرورڑ سے زائد ہے۔ پاکستان میں ذیابیطیس کی شدت میں اضافے کی بنیادی وجوہات میں بے ترتیب زندگی، ماحولیاتی تبدیلی اور دیگرعوامل شامل ہیں۔
