فیفا ورلڈکپ: سنسنی خیز مقابلے میں ایران اور بیلجیئم ایک دوسرے کے خلاف گول نہ کرسکے، دونوں ٹیموں کے دو، دو پوائنٹس ہوگئے
ویب نیوز ڈیسک رپورٹ
فیفا ورلڈکپ 2026 میں ایران اور بیلجیئم کے درمیان کھیلا گیا میچ بغیر کسی گول کے برابر ہوگیا۔
لاس اینجلس اسٹیڈیم میں گروپ جی کے تحت ہونے والے مقابلے میں دونوں ٹیموں نے بھرپور کھیل پیش کیا، تاہم کوئی بھی ٹیم گول کرنے میں کامیاب نہ ہوسکی۔
پہلا ہاف
میچ کے پہلے ہاف میں ایران کو سبقت حاصل کرنے کا بہترین موقع ملا۔ 28ویں منٹ میں فری کک پر گیند بیلجیئم کے جال میں جا پہنچی، تاہم ریفری نے ایرانی کھلاڑی کو آف سائیڈ قرار دیتے ہوئے گول مسترد کردیا۔
بیلجیئم کا دباؤ، ایرانی دفاع کی مزاحمت
میچ کے بیشتر حصے میں بیلجیئم کی ٹیم حاوی رہی۔ اس کے باوجود ایران کے دفاعی کھلاڑیوں اور خاص طور پر گول کیپر علی رضا نے شاندار کارکردگی کا مظاہرہ کیا۔
علی رضا نے کئی یقینی گول بچائے۔ دوسرے ہاف میں انہوں نے ایک انتہائی خطرناک حملہ ناکام بنایا۔ ماہرین نے اس شاندار بچاؤ کو “ٹورنامنٹ کا بہترین سیو” قرار دیا۔
دوسری جانب بیلجیئم کے تجربہ کار گول کیپر تھیبو کورٹوا نے بھی عمدہ گول کیپنگ کی۔ ان کی بہترین کارکردگی کے باعث ایران بھی گول کرنے میں کامیاب نہ ہوسکا۔
ریڈ کارڈ نے میچ کا رخ بدل دیا
دوسرے ہاف میں خطرناک فاؤل پر بیلجیئم کے ایک کھلاڑی کو ریڈ کارڈ دکھایا گیا۔ اس کے بعد بیلجیئم نے بقیہ میچ 10 کھلاڑیوں کے ساتھ کھیلا۔
فیفا ورلڈکپ: مراکش کی اسکاٹ لینڈ پر فتح
آبنائے ہرمز: ایران کا بڑا فیصلہ، راستہ دوبارہ بند
پوائنٹس ٹیبل کی صورتحال
میچ کے اختتام تک دونوں ٹیمیں کوئی گول نہ کرسکیں اور مقابلہ صفر، صفر سے برابر رہا۔
ایران اور بیلجیئم اپنے ابتدائی دونوں میچز ڈرا کھیل چکے ہیں۔ اس نتیجے کے بعد دونوں ٹیموں کے دو، دو پوائنٹس ہوگئے ہیں۔