ایران: مسودے میں ناکہ بندی کے خاتمے، اثاثوں کی بحالی اور خطے میں فوری جنگ بندی کی شقیں شامل
ویب نیوز ڈیسک رپورٹ
ایران اور امریکا کے درمیان مجوزہ 14 نکاتی مفاہمتی مسودے کی تفصیلات منظر عام پر آگئی ہیں۔
ایرانی خبر ایجنسی کے مطابق یہ مسودہ کئی اہم سیاسی اور معاشی شرائط پر مشتمل ہے۔
بحری ناکہ بندی اور پابندیاں
مسودے کے تحت امریکی بحری ناکہ بندی 30 روز کے اندر ختم کرنے کی تجویز دی گئی ہے۔
ایران کے تیل اور پیٹروکیمیکل برآمدات پر عائد پابندیاں بھی معطل کرنے کی شق شامل ہے۔
جنگ بندی اور علاقائی شقیں
دستاویز میں لبنان سمیت تمام محاذوں پر فوری اور مستقل جنگ بندی کی شرط بھی شامل ہے۔
یہ شق خطے میں کشیدگی کم کرنے کی کوشش کے طور پر دیکھی جا رہی ہے۔
مالی معاونت اور اثاثے
مسودے کے مطابق امریکا اور اس کے اتحادی ایران کی تعمیرِ نو کے لیے کم از کم 300 ارب ڈالر فراہم کریں گے۔
مذاکرات کے دوران ایران کے 24 ارب ڈالر کے منجمد اثاثے جاری کیے جائیں گے۔
جبکہ امریکا مذاکرات سے قبل ہی ایران کے 12 ارب ڈالر کے منجمد اثاثے بحال کرے گا۔
یہ بھی پڑھیں
ایران امریکا معاہدہ: نیا تنازع
سمندری جاسوسی کا نیا راز، چین کا بڑا دعویٰ
میزائل پروگرام اور حتمی معاہدہ
رپورٹ کے مطابق حتمی معاہدے میں ایران کے میزائل پروگرام اور مزاحمتی گروپوں کی حمایت کو شامل نہیں کیا گیا۔
مزید یہ کہ حتمی معاہدے کی توثیق اقوامِ متحدہ کی سلامتی کونسل کی قرارداد کے ذریعے کرنے کی شق بھی موجود ہے۔