ٹیلر سوئفٹ کی شادی کا کچرا بھی فروخت، مداحوں نے مہنگے داموں خرید لیا

ٹیلر سوئفٹ کی شادی کے مقام سے جمع بوتلوں کے ڈھکن، وارننگ ٹیپ، برتن اور دیگر اشیا 24 گھنٹوں میں فروخت، آرٹسٹ نے 1250 ڈالر کما لیے۔

ویب نیوز ڈیسک رپورٹ

امریکی گلوکارہ ٹیلر سوئفٹ کی شادی سے جڑی ایک غیر معمولی خبر سامنے آئی ہے، جہاں شادی کے مقام کے باہر سے جمع کیا گیا کچرا بھی مہنگے داموں فروخت کر دیا گیا۔

غیر ملکی خبر رساں ایجنسی کے مطابق نیویارک کے آرٹسٹ جسٹن گگناک نے میڈیسن اسکوائر گارڈن کے اطراف سڑکوں سے مختلف اشیا اس وقت جمع کیں، جب وہاں ٹیلر سوئفٹ اور ٹریوس کیلسی کی شادی کی تقریب جاری تھی۔

کچرے میں کیا کیا شامل تھا؟

فروخت کے لیے پیش کی گئی اشیا میں بوتلوں کے ڈھکن، کینڈی، پولیس کی وارننگ ٹیپ، اسٹرا، برتن اور ایک ایئر پوڈ بھی شامل تھا۔

ہر شے کی قیمت 25 ڈالر رکھی گئی، جبکہ تمام اشیا 24 گھنٹوں کے اندر فروخت ہو گئیں۔

مداحوں نے یادگار کے طور پر خریدا

جسٹن گگناک کے مطابق زیادہ تر خریدار ٹیلر سوئفٹ کے مداح تھے، جو شادی سے منسلک کوئی یادگار اپنے پاس رکھنا چاہتے تھے۔

انہوں نے ہر شے کو آرٹ کا نمونہ قرار دیتے ہوئے چھوٹے پلاسٹک کیوب میں محفوظ کر کے فروخت کیا۔

یہ بھی پڑھیں

غزہ جنگ بندی کی خلاف ورزی، 6 فلسطینی شہید

بنگلادیش میں بارش کا قہر، 44 افراد ہلاک

کتنے ڈالر کی آمدن

آرٹسٹ کے مطابق اب تک وہ 50 اشیا فروخت کر کے 1250 ڈالر کما چکے ہیں، جبکہ امکان ہے کہ مزید اشیا بھی فروخت کے لیے پیش کی جائیں گی۔