پنجاب میں سیٹلائٹ انٹرنیٹ سروس متعارف کرانے کا فیصلہ

پنجاب کے ہر گاؤں تک تیز رفتار انٹرنیٹ پہنچانے اور 60 لاکھ نوجوانوں کو جدید ٹیکنالوجی سے جوڑنے کا منصوبہ تیار۔

ویب نیوز ڈیسک رپورٹ

لاہور: وزیراعلیٰ پنجاب کی سینئر مشیر سینیٹر انوشہ رحمان نے کہا ہے کہ پنجاب میں سیٹلائٹ انٹرنیٹ سروس متعارف کرانے کا فیصلہ کیا گیا ہے۔ یہ اقدام ڈیجیٹل انقلاب لانے کیلئے کیا گیا ہے۔

اس سلسلے میں لاہور کی ایک نجی یونیورسٹی میں لیڈرشپ سمٹ منعقد ہوئی۔ سمٹ میں بلاک چین ٹیکنالوجی اور ڈیجیٹل اثاثوں پر تفصیلی گفتگو کی گئی۔

پسماندہ علاقوں تک انٹرنیٹ رسائی

سمٹ سے خطاب کرتے ہوئے سینیٹر انوشہ رحمان نے کہا کہ پسماندہ علاقوں میں تیز رفتار انٹرنیٹ کی فراہمی پر خصوصی توجہ دی جا رہی ہے۔ انہوں نے بتایا کہ سیٹلائٹ انٹرنیٹ کے ذریعے ہر گاؤں، اسکول، کالج اور اسپتال تک انٹرنیٹ رسائی ممکن بنائی جائے گی۔

انہوں نے کہا کہ عوام میں ڈیجیٹل ٹیکنالوجی کے استعمال کا رجحان پہلے سے موجود ہے۔ تاہم سہولیات کی کمی اب بھی ایک بڑا مسئلہ ہے۔ اسی لیے پنجاب میں “کنیکٹ دی اَن کنیکٹڈ” مشن شروع کیا جا رہا ہے۔ اس منصوبے کا مقصد زیادہ سے زیادہ لوگوں کو ڈیجیٹل سہولیات فراہم کرنا ہے۔

یہ بھی پڑھیں

صحافت کی آزادی: غزہ میں 262 صحافی شہید، عالمی خاموشی پر سوال

کراچی میں مٹی کے طوفان کا الرٹ جاری

جدید کنیکٹیویٹی منصوبے

سینیٹر انوشہ رحمان نے کہا کہ جلد سرکاری شعبے میں سیٹلائٹ کے ذریعے انٹرنیٹ فراہمی شروع کی جائے گی۔ اس کے علاوہ آئی ٹی ڈیپارٹمنٹ جدید کنیکٹیویٹی منصوبوں پر کام کر رہا ہے۔

انہوں نے مزید بتایا کہ آئندہ چار برسوں میں 60 لاکھ نوجوانوں کو جدید ٹیکنالوجی سے جوڑنے کا منصوبہ بنایا گیا ہے۔ اس اقدام سے ڈیجیٹل معیشت کو فروغ ملے گا۔ ساتھ ہی نوجوانوں کیلئے نئے مواقع بھی پیدا ہوں گے۔