فٹبال ورلڈکپ: انگلینڈ صرف 10 کھلاڑیوں کے ساتھ کھیلنے کے باوجود 3-2 سے کامیاب، کوارٹر فائنل میں ناروے سے مقابلہ ہوگا۔
ویب نیوز ڈیسک رپورٹ
میکسیکو سٹی: انگلینڈ نے فیفا فٹبال ورلڈکپ کے پری کوارٹر فائنل میں میزبان میکسیکو کو سنسنی خیز مقابلے کے بعد 2 کے مقابلے میں 3 گول سے شکست دے کر کوارٹر فائنل کے لیے کوالیفائی کر لیا۔
کامیابی کے بعد انگلینڈ کا کوارٹر فائنل میں مقابلہ ناروے سے ہوگا، جس نے اپنے پری کوارٹر فائنل میں پانچ بار کی عالمی چیمپئن برازیل کو 1-2 سے شکست دے کر ایونٹ سے باہر کر دیا۔
انگلینڈ کی فتح میں کن کھلاڑیوں نے کردار ادا کیا؟
انگلینڈ کی جانب سے جوڈ بیلنگہم نے دو گول اسکور کیے، جبکہ کپتان ہیری کین نے ایک گول کیا۔
میزبان میکسیکو کی جانب سے کوئینونیس اور جمینیز نے ایک، ایک گول کیا، تاہم ٹیم شکست سے نہ بچ سکی۔
یہ بھی پڑھیں
دنیا کا سب سے پست قامت جوڑا
سندھ میں محفوظ خون کی فراہمی کا جدید نظام قائم
ریڈ کارڈ کے باوجود انگلینڈ کی کامیابی
میچ کے دوسرے ہاف کے 54ویں منٹ میں انگلینڈ کو بڑا دھچکا اس وقت لگا جب ریفری نے انگلش مدافع جیریل کوانساہ کو ریڈ کارڈ دکھا کر میدان سے باہر بھیج دیا۔
ریڈ کارڈ کے بعد انگلینڈ نے بقیہ میچ 10 کھلاڑیوں کے ساتھ کھیلا، تاہم ٹیم نے برتری برقرار رکھتے ہوئے 3-2 سے کامیابی اپنے نام کر لی۔