سنچیتا اوگلے خودکشی کیس میں بھارتی ڈرامے کُم کُم بھاگیہ کی 22 سالہ اداکارہ کی پراسرار موت، پولیس نے تفتیش شروع کر دی۔
ویب نیوز ڈیسک رپورٹ
بھارت کے مشہور ڈرامے کُم کُم بھاگیہ کی اداکارہ سنچیتا اوگلے نے 22 سال کی عمر میں مبینہ طور پر خودکشی کرلی۔
بھارتی میڈیا کے مطابق یہ واقعہ ریاست مہاراشٹرا کے ضلع پالگھر میں پیش آیا، جہاں اداکارہ اپنی رہائش گاہ پر موجود تھیں۔
بتایا گیا ہے کہ انہوں نے مبینہ طور پر پنکھے سے پھندا لگا کر اپنی جان لی۔
پولیس کی کارروائی
واقعے کی اطلاع ملتے ہی پولیس فوری طور پر جائے وقوعہ پر پہنچ گئی۔
پولیس کے مطابق موقع سے نہ کوئی مشکوک چیز ملی اور نہ ہی کوئی خودکشی نوٹ برآمد ہوا۔
مزید بتایا گیا کہ اداکارہ کے والد نے کسی پر شک ظاہر نہیں کیا اور نہ ہی کسی کو موت کا ذمہ دار ٹھہرایا ہے۔
لاش کو پوسٹ مارٹم کے لیے اسپتال منتقل کر دیا گیا ہے۔
آخری سوشل میڈیا پوسٹ
اداکارہ نے اپنی موت سے چند گھنٹے قبل سوشل میڈیا پر آخری پوسٹ شیئر کی تھی۔
اس ویڈیو میں انہیں مشہور گانا ڈفلی والے گاتے ہوئے دیکھا جا سکتا ہے۔
یہ بھی پڑھیں
سونم کپور نے ایشوریا کو ’آنٹی‘ کیوں کہا؟
ایرانی ریال کی قدر میں بہتری
مداحوں کا ردعمل
اداکارہ کی موت کی خبر سامنے آنے کے بعد مداحوں اور شوبز انڈسٹری میں گہرے دکھ اور افسوس کا اظہار کیا جا رہا ہے۔