ٹرمپ ایران معاہدہ: سابق امریکی صدر براک اوباما کی پالیسی سے مختلف ڈیل کی تیاری، مذاکرات پر اعتماد اور تنقید کو نظر انداز کرنے کا اعلان
ویب نیوز ڈیسک رپورٹ
واشنگتن:امریکی صدر ڈونلڈ ٹرمپ نے کہا ہے کہ ایران کے ساتھ معاہدہ ابھی مکمل طور پر طے نہیں ہوا۔
ان کا کہنا تھا کہ مجوزہ معاہدہ سابق امریکی صدر براک اوباما کے معاہدے کے بالکل برعکس ہوگا۔
یہ بات انہوں نے امریکی ٹی وی چینل اے بی سی سے گفتگو کرتے ہوئے کہی۔
ڈونلڈ ٹرمپ کے مطابق، “ہمارے معاہدے کو ابھی تک کسی نے دیکھا نہیں، اور نہ ہی کوئی جانتا ہے کہ اس میں کیا شامل ہے۔”
انہوں نے کہا کہ ایسے افراد کی باتوں پر توجہ نہ دی جائے جو معاہدہ جانے بغیر اس پر تنقید کر رہے ہیں۔
ٹرمپ کا کہنا تھا کہ ان سے پہلے آنے والوں کو یہ مسئلہ برسوں پہلے حل کرنا چاہیے تھا۔
ان کے مطابق ایران سے متعلق اچھی خبر سامنے آئے گی، اور وہ کبھی “بری ڈیل” نہیں کرتے۔
انہوں نے مزید کہا کہ ایران کے ساتھ ڈیل مکمل طور پر ایران کی اپنی ذمہ داری پر منحصر ہے۔
اس سے قبل ڈونلڈ ٹرمپ کا کہنا تھا کہ ایران کے ساتھ مذاکرات منظم اور تعمیری انداز میں آگے بڑھ رہے ہیں۔
یہ بھی پڑھیں
پاکستان کو قرضے نہیں، مہارت اور سرمایہ کاری چاہیے:وزیراعظم
گائے کے گوشت سے متعلق اہم تحقیق
ایک اور پوسٹ میں انہوں نے ایک جنگی طیارے کے نیچے میزائل کی تصویر بھی جاری کی تھی۔ اس تصویر میں میزائل پر ایک مخصوص جملہ درج تھا جس میں کہا گیا تھا کہ اس معاملے پر توجہ دینے کا شکریہ۔
