فرانس نے طیارہ بردار بحری جہاز آبنائے ہرمز کے مشن پر روانہ کر دیا

فرانس نے اپنے طیارہ بردار بحری جہاز چارلس ڈیگال کو ممکنہ بحری مشن کے لیے جنوبی بحیرہ احمر کی جانب روانہ کر دیا ہے

ویب نیوز ڈیسک رپورٹ

فرانس نے اپنا طیارہ بردار بحری جہاز چارلس ڈیگال کو ممکنہ بحری مشن کے لیے جنوبی بحیرہ احمر کی جانب روانہ کر دیا ہے۔ یہ مشن آبنائے ہرمز میں بحری آمد و رفت کے تحفظ سے منسلک سمجھا جا رہا ہے۔

میڈیا رپورٹس کے مطابق فرانسیسی وزارتِ دفاع کے مطابق یہ بحری بیڑہ اپنے ساتھ جنگی جہازوں کے ہمراہ ہے۔ یہ قافلہ نہر سویز عبور کرتے ہوئے جنوبی بحیرہ احمر کی طرف بڑھ رہا ہے۔

وزارت نے کہا کہ یہ ایک پیشگی تعیناتی ہے تاکہ ضرورت پڑنے پر فوری کارروائی ممکن ہو سکے۔

فرانسیسی صدر دفتر کا مؤقف

فرانسیسی صدارتی دفتر نے کہا کہ اس اقدام کا مقصد واضح پیغام دینا ہے۔ فرانس اور اس کے شراکت دار آبنائے ہرمز کی سکیورٹی برقرار رکھنے کی مکمل صلاحیت رکھتے ہیں۔

دفتر کے مطابق فرانس یہ بھی چاہتا ہے کہ آبنائے ہرمز کا معاملہ امریکا اور ایران کے درمیان جاری مذاکرات سے الگ رکھا جائے۔

فوری ردعمل کی تیاری

وزارت دفاع نے مزید کہا کہ اس تعیناتی کا مقصد وقت کم کرنا ہے۔ جیسے ہی حالات اجازت دیں، کارروائی فوری طور پر کی جا سکے۔

یہ بھی پڑھیں

ہیلتھ رپورٹرز ایسوسی ایشن کابینہ 2026-27 کا اعلان

شدید گرمی میں احتیاطی تدابیر اختیار کرنے کی ہدایت

چارلس ڈیگال کی صلاحیت

یہ طیارہ بردار بحری جہاز تقریباً 20 رافیل جنگی طیاروں کو لے جانے کی صلاحیت رکھتا ہے۔ اس کے ساتھ کئی جنگی فریگیٹس بھی اس بحری بیڑے کا حصہ ہیں۔