فیفا ورلڈ کپ میں کولمبیا نے ڈی آر کانگو کو ایک صفر سے شکست دے کر مسلسل دوسری کامیابی حاصل کر لی، چھ پوائنٹس کے ساتھ اگلے مرحلے میں جگہ بنا لی
ویب نیوز ڈیسک رپورٹ
فیفا ورلڈ کپ کے گروپ “کے” کے اہم میچ میں کولمبیا نے ڈی آر کانگو کو ایک صفر سے شکست دے کر ناک آؤٹ مرحلے کے لیے کوالیفائی کر لیا۔
میچ کا واحد گول کولمبیا کے ڈینیل میونوز نے کھیل کے آخری لمحات میں اسکور کیا۔ اس گول نے کولمبیا کو مسلسل دوسری کامیابی دلائی اور ٹیم اگلے مرحلے میں پہنچ گئی۔
کولمبیا کے چھ پوائنٹس
کولمبیا کے دو میچوں کے بعد چھ پوائنٹس ہو گئے ہیں۔ ٹیم اپنے آخری گروپ میچ میں پرتگال کا سامنا کرے گی، تاہم اس سے قبل ہی وہ ناک آؤٹ مرحلے میں اپنی جگہ یقینی بنا چکی ہے۔
یہ بھی پڑھیں
پیرس میں آج پنکھا لگژری آئٹم بن گیا
میسی ورلڈکپ میں سب سے زیادہ گول کرنے والے فٹبالر بن گئے
کانگو کے لیے مشکل صورتحال دوسری جانب ڈی آر کانگو کے پاس دو میچوں کے بعد صرف ایک پوائنٹ ہے۔ ٹیم کو ناک آؤٹ مرحلے تک رسائی کی امید برقرار رکھنے کے لیے اپنے اگلے میچ میں ازبکستان کو شکست دینا ہوگی۔