ملک میں انٹرنیٹ سروس سست پڑنے کا امکان

ملک بھر میں انٹرنیٹ کی رفتار متاثر ہونے کا امکان، سب میرین کیبل مرمت کے دوران پی ٹی سی ایل سروس میں سست روی متوقع

ویب نیوز ڈیسک رپورٹ

اگر آپ پاکستان ٹیلی کمیونیکیشن کمپنی لمیٹڈ (پی ٹی سی ایل) کی انٹرنیٹ سروس استعمال کرتے ہیں تو آپ کو سست روی کا سامنا کرنا پڑ سکتا ہے۔

ملک بھر میں پی ٹی سی ایل صارفین کے لیے انٹرنیٹ کی رفتار متاثر ہونے کا امکان ہے۔

کمپنی کی جانب سے جاری بیان میں بتایا گیا ہے کہ اس صورتحال کی بنیادی وجہ سب میرین کیبل کی مرمت ہے۔

یہ مرمت 11 مئی سے 18 مئی تک جاری رہے گی۔

مرمت کے دوران خاص طور پر شام کے اوقات میں انٹرنیٹ سروس متاثر ہو سکتی ہے۔

صارفین کو رفتار میں کمی اور سروس میں وقتی خلل کا سامنا کرنا پڑ سکتا ہے۔

بیان میں مزید بتایا گیا ہے کہ یہ مرمت بین الاقوامی کیبل کنسورشیم کی جانب سے کی جا رہی ہے۔

یہ کام عالمی سطح پر انفراسٹرکچر کی بہتری کے لیے کیا جاتا ہے۔

یہ بھی پڑھیں

نیتو کپور کا رشی کپور سے متعلق اہم انکشاف

پی ٹی سی ایل کے مطابق سب میرین کیبل کی مرمت ضروری ہے۔

اس سے انٹرنیٹ کے معیار میں بہتری آئے گی۔

اور طویل مدت میں سروسز زیادہ مستحکم ہو جائیں گی۔