پورٹ قاسم حادثہ: کھلے سمندر میں دو ماہی گیر لانچیں ٹکرا گئیں

پورٹ قاسم تصادم: کھلے سمندر میں تیز رفتار ماہی گیر لانچیں آپس میں ٹکرا گئیں، دونوں کشتیوں کو نقصان پہنچا جبکہ تمام ماہی گیر محفوظ

ویب نیوز ڈیسک رپورٹ

کراچی: پورٹ قاسم کے کھلے سمندر میں گزشتہ رات افسوسناک حادثہ پیش آیا، جہاں تیز رفتار دو ماہی گیر لانچیں آپس میں ٹکرا گئیں۔

حادثے کے نتیجے میں دونوں لانچوں کو شدید نقصان پہنچا جبکہ لاکھوں روپے کا مالی خسارہ بھی ہوا۔

عینی شاہدین کے مطابق دونوں لانچیں مچھلی کے شکار کے سلسلے میں سمندر میں موجود تھیں۔ اسی دوران تیز رفتاری کے باعث وہ اچانک ایک دوسرے سے ٹکرا گئیں۔

تصادم کے نتیجے میں دونوں لانچوں کے اگلے حصے بری طرح متاثر ہوئے۔

حادثے کے باوجود خوش قسمتی سے تمام ماہی گیر محفوظ رہے اور کوئی جانی نقصان نہیں ہوا۔

دونوں لانچوں پر سوار ماہی گیر بال بال بچ گئے۔

یہ بھی پڑھیں

انمول پنکی کیس: سینیٹ قائمہ کمیٹی داخلہ نے نوٹس لے لیا

حادثے کے بعد متاثرہ لانچوں کو واپس لا کر ابراہیم حیدری جیٹی پر کھڑا کر دیا گیا ہے۔

متعلقہ حکام لانچوں کو پہنچنے والے نقصانات کا جائزہ لے رہے ہیں۔

ماہی گیروں نے مطالبہ کیا ہے کہ کھلے سمندر میں حفاظتی اقدامات مزید مؤثر بنائے جائیں تاکہ مستقبل میں ایسے حادثات سے بچا جا سکے۔