قربانی کا گوشت: فریزر، کولر اور روایتی طریقوں سے گوشت کو ہفتوں اور مہینوں تک محفوظ رکھنے کی رہنمائی

ویب نیوز ڈیسک رپورٹ

عید الاضحیٰ کے موقع پر لوگوں کو سب سے زیادہ فکر اس بات کی ہوتی ہے کہ قربانی کے گوشت کو کس طرح کئی ہفتوں تک خراب ہونے سے بچایا جائے۔

ماہرین کے مطابق یہ کوئی مشکل کام نہیں، اگر گوشت کو درست طریقے سے محفوظ کیا جائے۔

درحقیقت گوشت کو ہفتوں، مہینوں بلکہ ایک سال تک بھی محفوظ رکھا جا سکتا ہے، اور اس کے لیے فریزر سب سے مؤثر ذریعہ سمجھا جاتا ہے۔

فریزر میں گوشت محفوظ کرنا

فریزر میں رکھنے سے قبل گوشت کے مناسب پیکٹ بنانا ضروری ہے۔ ساتھ ہی اسے ہوا سے محفوظ رکھنا بھی لازمی ہے۔

اس مقصد کے لیے پلاسٹک بیگز اور المونیم فوائل (جو فریزر کے لیے موزوں ہوں) استعمال کیے جائیں۔

اگر یہ دستیاب نہ ہوں تو ائیر ٹائٹ برتن بھی استعمال کیے جا سکتے ہیں، جیسے پلاسٹک کے ڈبے یا فریزر کے لیے محفوظ جار۔

ماہرین کے مطابق بہتر یہ ہے کہ گوشت سے زیادہ سے زیادہ ہڈیاں نکال دی جائیں، کیونکہ ہڈیاں فریزر میں زیادہ جگہ گھیرتی ہیں اور بجلی کا استعمال بڑھا دیتی ہیں۔

فریج کے فریزر کمپارٹمنٹ کا بھی استعمال کیا جا سکتا ہے، کیونکہ مکمل خالی فریزر زیادہ بجلی خرچ کرتا ہے۔

گوشت کتنے عرصے تک محفوظ رہ سکتا ہے؟

کچا گوشت فریزر میں 4 سے 12 ماہ تک محفوظ رکھا جا سکتا ہے۔

کچا قیمہ تقریباً 3 ماہ تک قابل استعمال رہتا ہے۔

پکا ہوا گوشت 2 سے 3 ماہ تک محفوظ رکھا جا سکتا ہے۔

فریج نہ ہونے کی صورت میں طریقہ

اگر فریج یا فریزر دستیاب نہ ہو تو واٹر کولر بھی عارضی حل کے طور پر استعمال کیا جا سکتا ہے۔

اس کے لیے کولر کو برف سے بھر کر ٹھنڈا کیا جاتا ہے۔

پہلے تہہ میں برف رکھی جاتی ہے، پھر گوشت اس پر رکھا جاتا ہے اور دوبارہ برف سے ڈھانپ دیا جاتا ہے۔

اس بات کو یقینی بنایا جاتا ہے کہ گوشت ہر وقت برف کے درمیان رہے، اور پگھلنے کی صورت میں نئی برف شامل کی جائے۔

یہ بھی پڑھیں

مکمل چاند خاص کیوں ہوگا؟

لاہور میں موسلادھار بارش اور ژالہ باری، نظام درہم برہم

نمک کے ذریعے محفوظ کرنا

گوشت محفوظ کرنے کا یہ قدیم اور مؤثر طریقہ ہے۔

گوشت کو ائیر ٹائٹ برتن یا بیگ میں رکھ کر نمک (کیورنگ سالٹ) سے مکمل طور پر ڈھانپ دیا جاتا ہے۔

اسے ٹھنڈی جگہ پر تقریباً ایک ماہ تک محفوظ رکھا جا سکتا ہے۔ استعمال سے قبل اضافی نمک کو دھو لیا جاتا ہے