ایبولا وبا کا خطرناک پھیلاؤ، عالمی ادارہ صحت نے کانگو اور یوگنڈا میں صورتحال کو عالمی صحت ایمرجنسی قرار دے کر ہنگامی اعلان کردیا
ویب نیوز ڈیسک رپورٹ
عالمی ادارہ صحت نے اتوار کے روز جمہوری جمہوریہ کانگو اور یوگنڈا میں پھیلنے والی ایبولا وبا کو ’”بین الاقوامی سطح پر صحت عامہ کی ایمرجنسی” قرار دے دیا ہے۔
ادارے کے مطابق صورتحال ابھی مکمل وبائی ایمرجنسی کے معیار پر نہیں پہنچی، تاہم خدشہ ہے کہ کانگو سے ملحقہ سرحدی ممالک میں وائرس مزید پھیل سکتا ہے۔
وائرس کی نوعیت اور صورتحال
عالمی ادارہ صحت کے مطابق یہ وبا بنڈی بوگیو وائرس سے پھیلی ہے۔
یہ وائرس انتہائی خطرناک سمجھا جاتا ہے اور اس پر کوئی ویکسین یا مخصوص علاج موجود نہیں۔
جمہوری جمہوریہ کانگو کے وزیر صحت سیموئل روجر کامبا نے فرانسیسی خبر رساں ادارے اے ایف پی سے گفتگو میں کہا کہ اس وائرس کی شرح اموات 50 فیصد تک پہنچ سکتی ہے۔
اعداد و شمار
ہفتے تک کے اعداد و شمار کے مطابق:صوبہ اِتوری میں 80 مشتبہ اموات رپورٹ 8 کیسز کی تصدیق اور246 مشتہ کیسز سامنے آئے ہیں۔
یہ اعداد و شمار صورتحال کی سنگینی کو ظاہر کرتے ہیں۔
ایبولا کیا ہے؟
ایبولا ایک مہلک وائرس ہے جس کا ماخذ چمگادڑوں کو سمجھا جاتا ہے۔
یہ وائرس جسم میں شدید خون بہنے اور اعضاء کی ناکامی کا سبب بنتا ہے۔
یہ وائرس متاثرہ شخص کے خون یا جسمانی رطوبتوں کے ذریعے دوسرے انسان میں منتقل ہوتا ہے۔
جمہوری جمہوریہ کانگو میں یہ ایبولا کی 17ویں وبا ہے۔
گزشتہ 50 برسوں میں یہ بیماری افریقہ میں تقریباً 15 ہزار جانیں لے چکی ہے۔
عالمی تشویش
عالمی ادارہ صحت نے خبردار کیا ہے کہ اصل کیسز کی تعداد رپورٹ سے زیادہ ہو سکتی ہے۔
ابتدائی ٹیسٹ میں مثبت نتائج کی بلند شرح اور مشتبہ کیسز میں اضافہ اس خدشے کو تقویت دے رہا ہے۔
یہ بھی پڑھیں
بچا کھانا پلاسٹک ڈبوں میں رکھنا صحت کیلئے بڑا خطرہ
چین نے امریکی طیاروں کی بڑی خریداری کی تصدیق کر دی
طبی اداروں کا ردعمل
طبی امدادی ادارے ڈاکٹرز ودآؤٹ بارڈرز نے اس صورتحال کو ’”انتہائی تشویشناک‘” قرار دیا ہے۔
ادارے کے مطابق وہ بڑے پیمانے پر ہنگامی طبی ردعمل کی تیاری کر رہا ہے۔
عالمی ادارہ صحت نے بھی واضح کیا ہے کہ یہ وبا خطے سے باہر دوسرے ممالک کے لیے بھی خطرہ بن سکتی ہے۔
