فلمیں دیکھنے سے بڑھاپے کی رفتار سست؟ نئی تحقیق میں حیران کن انکشاف

فلمیں دیکھنے اور دیگر ثقافتی سرگرمیوں کو معمول بنانے والے افراد میں جسمانی بڑھاپے کی رفتار کم دیکھی گئی، جاپانی تحقیق

ویب نیوز ڈیسک رپورٹ

عمر بڑھنے کے ساتھ جسم بتدریج تنزلی کا شکار ہوتا ہے اور وقت کے ساتھ بڑھاپا طاری ہونے لگتا ہے۔

اس دوران کچھ افراد کے جسم میں یہ عمل تیزی سے ہوتا ہے، جبکہ بعض افراد میں جسمانی تنزلی نسبتاً سست رفتار رہتی ہے۔

ماہرین کے مطابق صحت مند طرزِ زندگی، متوازن غذا، باقاعدہ ورزش، تمباکو نوشی سے گریز، ذہنی دباؤ پر قابو پانے اور دماغ کو متحرک رکھنے جیسی عادات جسمانی بڑھاپے کی رفتار کو کم کرنے میں مددگار ثابت ہوتی ہیں۔

ثقافتی سرگرمیوں کے مثبت اثرات

اب ایک نئی تحقیق میں معلوم ہوا ہے کہ ثقافتی سرگرمیوں، جیسے فلمیں دیکھنے، عجائب گھر (میوزیم) یا فنونِ لطیفہ کی نمائش گاہ (آرٹ گیلری) جانے سے بھی بڑھاپے کے عمل کو سست کیا جا سکتا ہے۔

تحقیق کیسے کی گئی؟

جاپان کے انسٹیٹیوٹ آف سائنس کی اس تحقیق میں ایک ہزار 900 افراد کے طبی اعداد و شمار کا تجزیہ کیا گیا۔

شرکا سے سوالنامے پُر کروائے گئے تاکہ معلوم کیا جا سکے کہ وہ کتنی بار فلمیں دیکھنے جاتے ہیں، عجائب گھر یا فنونِ لطیفہ کی نمائش گاہ کا رخ کرتے ہیں، یا موسیقی کی محفل (کنسرٹ) اور تھیٹر سے لطف اندوز ہوتے ہیں۔

اس کے بعد ان افراد کی نبض کا دباؤ، بلڈ پریشر، کولیسٹرول کی سطح، جسمانی وزن اور چہل قدمی کی رفتار سمیت مختلف جسمانی اشاریوں کا جائزہ لیا گیا۔

یہ بھی پڑھیں

ایران پر حملے، اردن حملے کی ایرانی فورسز بھی ہدف: سینٹکام

سہیل خان کا بچپن میں جنسی زیادتی کا شکار ہونے کا انکشاف

تحقیق کے نتائج

نتائج سے معلوم ہوا کہ جو افراد ثقافتی سرگرمیوں کو اپنی روزمرہ زندگی کا حصہ بناتے ہیں، ان میں جسمانی بڑھاپے کی رفتار نسبتاً کم دیکھی گئی۔